ကမ်လူဝေး - ထိုအရပ်​၌

Art - Than Htay Maung

ကမ်လူဝေး - ထိုအရပ်​၌

(မိုးမခ) ဩဂုတ် ၃၊ ၂၀၁၉

ငြိမ်းခါနီးမှ
ထ​တောက်​တဲ့မီးက ပြင်းတယ်​။

​ခေါ်သံလား ​အော်သံလား
မကွဲပြားဘူး
အသံတခု​တော့ကြားတယ်​။

သစ္စာ​ဖောက်​တ​ယောက်​ရဲ့ ဇာတ်​သိမ်းခန်းက
ရုပ်ရှင်ထဲကအတိုင်းပဲ
အိန္ဒိယဇာတ်​ကားလို ​ပေ နည်းနည်းရှည်တယ်။

အခွင့်ထူး ရ​လေမလားဆိုပြီး
ဟ နေကြတဲ့ ပါးစပ်တွေက ရွံစရာ။

သူ့အရပ်​နဲ့ သူ့ဇာတ်ပါပဲ
မ​နေအပ်​ရာ အရပ်​မှာ ​မွေးလာသူတ​ယောက်​အတွက်​
​နေ့စဉ်ရက်ဆက် တော်လှန်တိုက်ပွဲဝင်ရင်း

ဂျပန်​ဇာတ်​ကားလို
တိုတိုတုတ်​တုတ်​ ဇာတ်​သိမ်းလိုက်ရတယ်။    ။

ကမ်​လူ​ဝေး