ငဇ - ငဇ၏ နွေဦးတော်လှန်ရေး ကဗျာစု

Art- Than Htay Maung

ငဇ၏ နွေဦးတော်လှန်ရေး ကဗျာစု

(မိုးမခ) မတ် ၁၂၊ ၂၀၂၁

...

ဗန်ဂိုးရဲ့ စုတ်ချက်တွေ

______

လုပ်ရပ်က သမိုင်းကိုရေးတယ်

ကာလသုံးပါး 

ရောင်စုံ ကင်းဘတ်စများ

သွေးကြောများ

ပင်လယ်ရဲ့ စီးဆင်းခြင်းက

ပန်းချီကို သတ်မှတ်လိုက်တယ်။

၂၊ ၁၊ ၂၀၂၁

.....

လိုဏ်သံ ၂၁

______

လှပတဲ့ ဆူညံမှုပေါ့

သံပုံးတီးသံတွေ

ဒါဟာ

အံကြိတ်တဲ့အသံ

ဒါဟာ

တက်ခေါက်တဲ့အသံ

ခေတ်ပြိုင်ဂီတပေါ့။

၃၊ ၂၊ ၂၁

.....

ပြည်သူ 

______

မျက်ရည်ဟာ လောင်စာဖြစ်လို့

စိတ်ရထားဟာ

တဟုန်းဟုန်း တောက်လောင်လို့

အနာဂတ်ကို ရိုက်ခေါ်ကြ

ကိုယ်စီ ကိုယ်စီ

အနာဂတ်ကို ရိုက်ခေါ်ကြ။ ။

၄၊ ၂၊ ၂၁

.....

ပြည်သူ 

______

ဆီဖြစ်ဖို့ မကြောက်ရွံ့တဲ့ နှမ်းစေ့တွေ

လမ်းသိတော့ ရွာမလည်ဘူးလေ

တစေ့ချင်းစီ သစ္စာထားကြတယ်။ ။

၉၊ ၂၊ ၂၁

.....

ပြည်သူ 

______

                                       

မိခင်တယောက်မို့

သားကို အိမ်မှာ မထားခဲ့နိုင်ဘူး

ပြည်သူတယောက်မို့

အိမ်ထဲမှာလည်း မေမေ မနေနိုင်ဘူး။

 ၉၊ ၂၊ ၂၁