ရွာထဲမှာ
ခိုင်မျိုး
(မိုးမခ) ဇွန် ၂၈၊ ၂၀၂၄
အင်းလျားရေပြင်ပေါ်
ငှက်တော်အမည်းလေးတွေဝဲပျံနေပြီး
ဥဩသံနဲ့စပ်ဖျော်ထားတဲ့လေကို
အရသာခံရင်း
ရေပြင်ထဲနောက်ကျွမ်းပစ်ချလိုက်တာ
ငါတို့ရဲ့လူငယ်ဘဝပဲ
ဟိုဘက်ကမ်းမှာ
ကျည်ဆံစမ်းပစ်နေသံကိုကြားနေရတယ်
အဲ့သည်အထဲကကျည်ဆံမှန်ပြီး
ငါတို့သေနေခဲ့မှန်း
မသိကြဘူး
သမတရုံမှာခုနှစ်ဆယ့်ငါးပြားတန်းက
လက်တဖက်ပြတ်ဓားသမား
ဇာတ်ကားကိုတိုးကြည့်ဖို့
မြို့ကြီးထဲ
နံပါတ်ခွန်အဝါဘတ်စ်ကားအိုကြီးကိုတွယ်စီးရင်း
ချီတက်ခဲ့ကြတယ်
ငါတို့ဟာ
လက်တဘက်ပြတ်တွေ
အသေကောင်တစ်ပိုင်းတွေ
ရွာထဲမှာ
-
t.me@moemaka
#MoeMaKaMedia
#WhatsHappeningInMyanmar