ရင်ဆိုင်ခြင်းရဲ့ရည်ရွယ်ချက်
မိုးသစ်ဝေ
(မိုးမခ) မေ ၉၊ ၂၀၂၅
သရဲရဲ့နောက်မှာ
တစ္ဆေက စောင့်နေတယ်။
ဘီလူးရန် ကင်းတဲ့အခါ
သဘက်ရန် ရှင်းဖို့ကျန်မယ်။
ဓားတောင်ကိုကျော်လို့မပြီးခင်
လှံတောင်ကြီးကို ဆီးတွေ့ရတယ်။
မီးပင်လယ်ကိုလွန်မြောက်တဲ့အခါ
နှင်းသမုဒ္ဒရာကို ဖြတ်ရဦးမယ်။
ရင်ဆိုင်ခြင်းရဲ့ရည်ရွယ်ချက်မှာ
နောက်ဆုတ်ဖို့ လုံးဝမပါ
ကျော်ဖြတ်ဖို့သာဖြစ်ရဲ့။
၇၊ မေ၊ ၂၀၂၅
-
t.me@moemaka
#MoeMaKaMedia
#WhatsHappeningInMyanmar