စမ်းစမ်းတင် - မရီဝေသံခိပ်

မရီဝေသံခိပ်

စမ်းစမ်းတင်

 မိုးမခ ၊ ဇွန် ၆ ၊ ၂၀၂၅

 

ခင်ပွန်းက အကျဉ်းကျလိုက်

သားက အကျဉ်းကျလိုက်

နိုင်ငံရေးအကျဉ်းသားဇနီးလည်းဟုတ်

နိုင်ငံရေးအကျဉ်းသား မိခင်လည်းဟုတ်သူ

ခင်ပွန်းသည်အ​ရေး သားအ​ရေး

ဟို အကျဉ်းထောင်ကိုပြေး

ဒီ အကျဉ်းထောင်ကိုပြေး

အကျဉ်း​ထောင်များနှင့် ကျွမ်းဝင်သူ

တဝေးတလံက ကလေးထောင်

ထောင်ဝင်စာမှန်ဖို့

ကလေးမှာတောင် အခြေချဖူးသူ

ခင်ပွန်းသည်က ထောင်ကလွတ်လာပြီး မကြာခင်ကွယ်လွန်

သားဖြစ်သူက ထောင်ကလွတ်လာပြီး ပြည်ပရောက်

ဘဝတ​လျှောက်လုံး ရောက်​ရောက်​နေရတဲ့

ထောင်တွေနဲ့ ကင်းလာချိန်မှာ နောက်​လောကဓံကြုံ 

ရောဂါစုံနဲ့ ကျန်းမာရေး ချို့တဲ့လာသူ

လောကဓံ အစုံစုံကို အန်တုခဲ့ပေမဲ့ 

သေမင်းက သူ့ကိုရွေးတဲ့အခါ အန်မတုနိုင်သူ

-

Join Us @ MoeMaKa Telegram
t.me@moemaka
Please show your support, donate with Zelle
#MoeMaKaMedia
#WhatsHappeningInMyanmar