သူရ - ဘယ်ဘုရားမှ လက်လှမ်းမမီတဲ့ ဒီနေ့
မိုးမခ ၊ ဒီဇင်ဘာ ၆ ၊ ၂၀၂၅
ဘာမှ အရသာမရှိသလိုဘဲ
အရသာထဲ ပြုတ်မကျတော့တာ ကြာပြီ
ငါတို့ ညတဓူဝကလဲ
မှောင်နဲ့မဲမဲ အေးခဲလို့။
ကြိုးတပ်တူရိယာတခုရဲ့
ရုန်းကန်ငြင်းဆန်မှုမဲ့ ချောင်ပိတ်မိသံ
အေးစက်စက် သွေ့ခြောက်ခြောက်
ကြိုးတလျှောက်တဆတ်ဆတ်။
မင်း နားလည်ပီးသား ဒီဘာသာစကားပါဘဲ
မင်းနှလုံးသားက ပြန်မဖတ်တတ်တဲ့ အက္ခရာတွေပေါ့
တကယ်တော့ ရုပ်ရော စိတ်ရော အင်စတောလုပ်ပြီးသား
ဘယ်ဘုရားနဲ့မှ မပတ်သက်တဲ့ဘဝတွေ။
t.me@moemaka
Please show your support, donate with Zelle
Like and Subscribe MoeMaKa YouTube Channel
#MoeMaKaMedia
#WhatsHappeningInMyanmar