မင်းငြိမ်းအေး - လွန်ခဲ့သောအခြေအနေအရ

Art- Aung Htet
 

လွန်ခဲ့သောအခြေအနေအရ 
မင်းငြိမ်းအေး
(မိုးမခ) ဧပြီ ၂၄၊ ၂၀၂၆

သတင်းစာထဲက
သတင်းတစ်ပုဒ်မှ ထွက်ကျမလာဘူး။

ရေထဲက
တချို့ငါးတွေမှာလည်း
ရေနစ်ဖူးတဲ့အတွေ့အကြုံရှိမှာပဲ။

စိတ်ကူးကိုကုန်းပေါ် ပစ်တင်လိုက်တယ်။

အသက်ရှုသံမှာ 
အသက်ပါလာသလား
စကားနည်းတဲ့စကားလုံးကို
အခြေအနေအရ 
လူသိရှင်ကြားပြောရတယ်။

ရိုးရိုးလေးနဲ့ 
အဆန်းတကြယ်ဖြစ်ရရှာတဲ့
လျှာဖျားအတွေးအမြင်တွေ
ခံတွင်းဝမှာ
ကိုယ်စီကူးခတ်နိုင်ပါပြီ ။ 

 

Join Us @ MoeMaKa Telegram
t.me@moemaka
Please show your support, donate with Zelle
Zelle to moemaka.org@gmail.com "MoeMaKa Multimedia"
Like and Subscribe MoeMaKa YouTube Channel
youtube.com/@moemaka
Like us on MoemaKa Facebook
Follow us on X
X.com/MoeMaKa
#MoeMaKaMedia
#WhatsHappeningInMyanmar