AI အပိုင်း (၂) – ဘယ်အလုပ်တွေ အန္တရာယ်အများဆုံး ရင်ဆိုင်ရမလဲ

AI နဲ့ အနာဂတ်အတွက် အလုပ်အကိုင်များ ဘာလဲ ဘယ်လဲ

နယူးယောက်တိုင်းသတင်းစာ ပညာရှင်စကားဝိုင်း (ဘာသာပြန်) မိုးမခ၊ ဇွန် ၂၀၊ ၂၀၂၆
AI အပိုင်း (၂) – ဘယ်အလုပ်တွေ အန္တရာယ်အများဆုံး ရင်ဆိုင်ရမလဲ

Bill Wasik

Marcus Chen လို နည်းပညာလုပ်ငန်းက လူတွေကို ခဏထားလိုက်ရအောင်။

တခြားလုပ်ငန်းတွေမှာရော ဘယ်လိုဖြစ်လာနိုင်မလဲ။

Clara, ခင်ဗျားက ဝင်ခါစ လူငယ်အလုပ်သမားတွေ AI ခေတ်ကို ဖြတ်သန်းနိုင်ဖို့ အကျိုးအမြတ်မယူတဲ့ အဖွဲ့အစည်းတစ်ခု စတင်နေတယ်လို့ သိရတယ်။

ခင်ဗျားအတွက် စိုးရိမ်စရာအကောင်းဆုံး လုပ်ငန်းတွေက ဘာတွေလဲ။

Clara Shih

Amazon ကို ဥပမာယူကြည့်ရအောင်။

ပြီးခဲ့တဲ့ ၁၀ နှစ်အတွင်း Amazon ဟာ AI နဲ့ Automation ဘယ်လို အလုပ်လုပ်သလဲဆိုတာ ပြသထားတဲ့ နမူနာကောင်းတစ်ခု ဖြစ်တယ်။
Amazon မှာ ဝန်ထမ်းတစ်သန်းကျော် ရှိတယ်။
အဲဒီထဲက လူနည်းစုတစ်စုကတော့ Programmer
System Supervisor
Headquarters မှာ အလုပ်လုပ်သူ
စတဲ့ ထိပ်တန်းအလုပ်တွေ လုပ်နေကြတယ်။

ဒါပေမယ့် ကျန်တဲ့ လူအများစုကတော့Warehouse တွေမှာ
Delivery Driver တွေအဖြစ်
အလုပ်လုပ်နေကြတယ်။

သူတို့ရဲ့ အလုပ်ကို မိနစ်အလိုက် စီမံခန့်ခွဲထားတယ်။ဘာလုပ်ရမယ်
ဘယ်လောက်ကြာရမယ်
နေရာ A က နေရာ B ကို ဘယ်လောက်အချိန်နဲ့ သွားရမယ်
ဆိုတာ အကုန် တိုင်းတာထားတယ်။

အချိန်ကြာလာတာနဲ့အမျှပစ္စည်းပို့ဆောင်ခြင်း
မောင်းနှင်ခြင်း
အပါအဝင် အလုပ်တော်တော်များများကို AI နဲ့ Automation က အစားထိုးလာမယ်လို့ ကျွန်မ မြင်တယ်။

ဒါတင်မကသေးဘူး။
Marcus Chen အပြင် တခြားလူတွေကို စဉ်းစားကြည့်ရအောင်။

ဥပမာ
Stacey Smith
သူက ကျန်းမာရေးအာမခံ Claim စစ်ဆေးသူ ဖြစ်တယ်။
အမေရိကန်မှာ သူလို လူသန်းနဲ့ချီ ရှိတယ်။
အာမခံလုပ်ငန်းနဲ့ ဘဏ်လုပ်ငန်းတွေမှာ အလုပ်လုပ်နေကြတယ်။
အရင်တုန်းက ဒီအလုပ်တွေကို နိုင်ငံခြားကို ရွှေ့မပေးနိုင်ဘူး။
စည်းမျဉ်းစည်းကမ်းတွေကြောင့် ပြည်တွင်းမှာပဲ လုပ်ရတယ်။

ဒါပေမယ့် အခုတော့Mortgage Approval
Insurance Claim Approval
တွေကို AI Agent တွေကပိုမြန်မြန်
ပိုတိကျ
Fraud ကို ပိုကောင်းကောင်း ရှာဖွေနိုင်ပြီး
ကုန်ကျစရိတ် နည်းနည်းနဲ့
လုပ်ပေးနိုင်လာပြီ။

ဒါဆို Kentucky နဲ့ Mississippi လို ပြည်နယ်တွေမှာ ဝင်ငွေကောင်းကောင်း ရနေတဲ့ Stacey Smith တွေ ဘာဖြစ်သွားမလဲ။

Bob Johnson

နောက်တစ်ယောက်က Bob Johnson။
သူက အဝေးပြေး ထရပ်ကားမောင်းသူ။
အမေရိကန်မှာ သူလို ထရပ်ကားမောင်းသူ သုံးသန်းခွဲလောက် ရှိတယ်။

သူတို့ဟာTexas
Louisiana
Mississippi
လို ပြည်နယ်တွေမှာ နေထိုင်ကြတယ်။

သူတို့ဟာ မိသားစုအတွက် အဓိက ဝင်ငွေရှာသူတွေ။
ရပ်ရွာအသိုင်းအဝိုင်းရဲ့ အားထားရာတွေ။

ဒါပေမယ့် Waymo လို အော်တိုမောင်းနှင်တဲ့ နည်းပညာတွေ ပျံ့နှံ့လာပြီး ဥပဒေဆိုင်ရာ အတားအဆီးတွေ ကျော်လွှားသွားတဲ့အခါ Bob Johnson တွေ ဘာဖြစ်သွားမလဲ။

Marcus Chen ကတော့ အခြေအနေကောင်းကောင်းနဲ့ ဆက်နေနိုင်တယ်။

ဒါပေမယ့်Stacey Smith
Bob Johnson
တို့ရော ဘာဖြစ်မလဲ။

Dean Ball

လုပ်ငန်းအလိုက် ပြောရမယ်ဆိုရင်
AI ကြောင့် ထိခိုက်နိုင်တဲ့ လုပ်ငန်းတွေက

Consulting
Marketing
Customer Service
အ ခြေခံ ဥပဒေဝန်ထမ်း
စီမံခန့်ခွဲရေးလုပ်ငန်း
တွေ ဖြစ်နိုင်တယ်။

ဒါပေမယ့် ကာယပိုင်းဆိုင်ရာ အလုပ်တွေမှာတော့ အခြေအနေ နည်းနည်း ကွာတယ်။

ဥပမာ
လူပုံစံ စက်ရုပ်တစ်ရုပ်က ဘားတစ်ခုမှာ ကော့တေးလာဖျော်ပေးတာမျိုး။
နည်းပညာအရ လုပ်နိုင်ရင်တောင် လူတွေက အဲဒီလို မလိုချင်ဘူး။
ဒါဟာ အရေးကြီးတဲ့အချက် ဖြစ်တယ်။

အနာဂတ်အလုပ်အကိုင်တွေကို စဉ်းစားတဲ့အခါ
လူတွေ ဘာကို နှစ်သက်ကြမလဲ ဆိုတာ ထည့်စဉ်းစားရမယ်။

အသိပညာအခြေခံတဲ့ အလုပ်တော်တော်များများမှာလည်း
ရာထူးမြင့်လာတာနဲ့အမျှ
အလုပ်ရဲ့ အဓိကအပိုင်းက
လူတွေကို ယုံကြည်အောင် ဆွဲဆောင်ခြင်း
ဖြစ်လာတယ်။

ကုမ္ပဏီအတွင်း အတွင်းရေး၊ ဗျူဟာမြောက် ဆွေးနွေးညှိနှိုင်းမှုတွေကို AI က လုံးဝအစားထိုးပစ်မယ်လို့ ကျွန်တော် မယုံဘူး။

Ethan Mollick

ကုမ္ပဏီကြီးတွေမှာတော့ အခြေအနေ ပိုရှုပ်ထွေးမယ်။
Procter & Gamble မှာ ဝန်ထမ်း ၇၇၆ ယောက်နဲ့ စမ်းသပ်မှုတစ်ခု လုပ်ခဲ့တယ်။
သူတို့ထဲမှာ

Technical Team
Business Team
ဆိုပြီး ခွဲထားတယ်။

AI အသုံးပြုတဲ့ လူတစ်ယောက်ရဲ့ စွမ်းဆောင်ရည်က
AI မသုံးတဲ့ လူနှစ်ယောက်အဖွဲ့ရဲ့ စွမ်းဆောင်ရည်နဲ့ တန်းတူ ဖြစ်နေတယ်။

ဒါပေမယ့် ပိုစိတ်ဝင်စားဖို့ကောင်းတာက
AI က အလုပ်အမျိုးအစားကြား နယ်နိမိတ်တွေကို ပျောက်သွားစေတယ်။
အရင်ကBusiness သမားက Business Idea ပဲ စဉ်းစားတယ်
Engineer က Technical Idea ပဲ စဉ်းစားတယ်

ဒါပေမယ့် AI ရှိလာတော့
လူတိုင်းက နယ်စပ်ဖြတ်ပြီး စဉ်းစားနိုင်လာတယ်။
Designer တွေက Coding လုပ်လာနိုင်တယ်။
Programmer တွေက Design လုပ်လာနိုင်တယ်။
Artist တွေက စာရေးလာနိုင်တယ်။

(ဆက်ရန် – အပိုင်း ၃ : ပညာရေး၊ ကျန်းမာရေး၊ ထုတ်လုပ်ရေးကဏ္ဍများမှာ AI ရဲ့ အကျိုးသက်ရောက်မှုနှင့် လူငယ်များ ဘာသင်ယူသင့်သလဲ)

အပိုင်း (၁) ဖတ်ချင်ရင် -