ဆက်ဝေမိုး - အစည်းအဝေးခန်း
ဆက်ဝေမိုး - အစည်းအဝေးခန်း
(မိုးမခ) စက်တင်ဘာ ၇၊ ၂၀၂၂
အရေးကြီးတာတွေကို အရေးမကြီးသလိုနဲ့၊
အရေးတကြီးဆွေးနွေးနေကြပြီး၊
အရေးကြီးတာတွေက အရေးကြီးမနေပြန်ဘူးဆိုပြီးမှ
ပြန်အရေးကြီးလာတဲ့အခါ
အရေးမကြီးတာတွေကို
အရေးမကြီးသလို ထားလိုက်ပေမယ့်လည်း
အရေးမကြီးတာတွေကလည်း
အရေးကြီးလာတတ်တာကြောင့်
အရေးကြီးတာတွေထက် ပိုအရေးကြီးတာတွေ ထပ်ပေါ်လာတဲ့အခါ
အရေးမကြီးသလိုဖြစ်သွားမှာစိုးတာနဲ့
ဒီကဗျာကို အရေးတကြီး ရေးလိုက်ရပါတယ်။ ။
ဆက်ဝေမိုး
၃.၉.၂၀၂၂
t.me@moemaka
#MoeMaKaMedia
#WhatsHappeningInMyanmar
Posts
