သစ်မြစိမ်း - ဇွန်လရဲ့မိုးရေစက်များနဲ့ ၂၀၂၀ပြည့်နှစ်အလွန် မြန်မာနွေဦး

သစ်မြစိမ်း - ဇွန်လရဲ့မိုးရေစက်များနဲ့ ၂၀၂၀ပြည့်နှစ်အလွန် မြန်မာနွေဦး
(မိုးမခစာအုပ်စင်) ဇွန် ၁၉၊ ၂၀၁၉

အရွေ့တစ်ခုဆီကို ဦးတည်သွားနေတဲ့ ယခုလို အချိန်မျိုးမှာ မြန်မာ့နိုင်ငံရေး အခင်းအကျင်း၊ အတိုး အဆုတ်၊အဖြန့်အကျက်တွေကို ချဉ်းကပ်လေ့လာသုံးသပ်ချင်သူများအတွက် ဦးနှောက်မုန်တိုင်းဆင်ကြည့်ဖို့ စာအုပ်လေး တစ်အုပ်ပါ။ ထူးခြားတာတစ်ခုက ဒီစာအုပ်ထဲ မှာ ပုံနှိပ်ဖော်ပြထားတဲ့ အမေးအဖြေ အချက်အလက်တွေဟာ လွန်ခဲ့တဲ့ နှစ်နှစ်ကျော် သုံးနှစ်ဝန်းကျင်က အမေးအဖြေတွေဖြစ်နေတဲ့ အတွက် အဲဒီအချိန်ကချဉ်းကပ်သုံးသပ်ထားတာ နဲ့ အခုလက်ရှိမျက်မှောက်မှာ ဖြစ်ပေါ်နေတဲ့ အခြေအနေတွေကို ဆဝါးကြည့်ကြဖို့ပဲ ဖြစ်ပါတယ်။

သမိုင်းဟာ မရပ်မနားဘဲ ပြောင်းလဲနေတယ်ဆိုပေမယ့် ရပ်တန့်နေသူတွေ အတွက်တော့ ပြဌာန်းစရာ နေရာမရှိတာ အသေအချာပါ။ ရွေ့နေတဲ့ ခေါင်းဆောင်တွေထဲမှာ ဘယ်လိုခေါင်းဆောင်မျိုးကို မှတ်တမ်းမှတ်ရာ ပြုမယ်ဆိုတာကိုတော့ သိပ်မကြာတဲ့အချိန်လေးမှာ ကျွန်တော်တို့ မြင်တွေ့ခွင့်ရလာတော့မှာပါ။

မြန်မာ့နိုင်ငံရေး အခြေအနေ အရပ်ရပ်ကို သုံးသပ်လေ့လာတဲ့အခါမှာ ဖြတ်သန်းလာခဲ့ရာ လူတွေ၊အဖြစ်အပျက်တွေ၊နှစ်ကာလတွေကိုသာမက မိမိတို့နဲ့ နယ်နိမိတ်ချင်း ကူးလူးဆက်စပ်နေတဲ့ အိမ်နီးချင်းနိုင်ငံတွေရဲ့ အရွေ့တွေကိုပါ ဆက်စပ်လေ့လာသင့်တယ်လို့ ထင်မြင်ယူဆမိပါတယ်။

မြန်မာနွေဦးမှာ အကြောင်းကြောင်းသော အကြောင်းတရားတွေကြောင့် ယခုလို အချိန်မျိုးအထိ နှင်းခဲတွေ ပျော်ကျမလာသေးတာကိုလည်း ကျွန်တော်တို့ သတိပြုရပါလိမ့်မယ်။

"မျက်မှောက် မြန်မာ့နိုင်ငံရေး၊၂၀၂၀အလွန် မြန်မာ့နိုင်ငံရေး အနာဂတ် အလားအလားများ နှင့်" စာအုပ်လေးထဲမှာ အငြင်းပွားဖွယ်အချက်အလက်တွေ ပါဝင်နေသော်လည်းပဲ နိုင်ငံရဲ့အရွေ့ကို စိတ်ပါဝင်စားသူတိုင်းလေ့လာဖတ်ရှုသင့်တဲ့ စာအုပ်လေးတစ်အုပ် ဖြစ်ပါတယ် ဆိုတဲ့အကြောင်း

( သစ်မြစိမ်း )

မျက်နှာဖုံးဒီဇိုင်းနှင့် စာအုပ်အဆင်အပြင် ရန်နောင်စိုး
တန်ဖိုး ၂၅၀ဝ ကျပ်

၂၀၁၉ ဇူလိုင်လ
ဖြန့်ချိရေး ဆိပ်ကမ်းသာစာပေ