မိုးခါး - မင်းရှေ့က ငါ၊ ငါရှေ့ကမင်း

မင်းရှေ့က ငါ၊ ငါရှေ့ကမင်း

    မိုးခါး

(မိုးမခ) ဇန်နဝါရီ  ၁၄၊ ၂၀၂၀

တကယ်ချစ်ကြမယ်ဆိုပြီး

စစ်ဖြစ်ခဲ့ကြတာပဲမဟုတ်လား

အလင်းကိုကွယ်ဖို့

အမှောင်ရဲ့အရိပ်ဖြစ်ချပေးလိုက်တဲ့ကမ္ဘာ

စစ်ပွဲမှာ ဒရုန်းပါလာသလို

အချစ်ပွဲမှာလည်း ဗုံးပါလာပြီ

ဘာသာတရားကိုအခြေခံထားတဲ့

လက်ဆွဲနူတ်ဆက်ခြင်းကလည်း

ပြင်ဆင်ပြီးသားခြေလှမ်းကိုအသင့်အနေထားနဲ့သရော်လိုက်သလို

အဓိပ္ပါယ်ကတော့

နယ်ချဲ့ချင်လည်းနယ်ချဲ့မယ်

ကိုလိုနီပြုချင်လည်း ကိုလိုနီပြုမယ့်သဘော

ဒါပေမယ့်ကတော့

သေသူတွေရဲ့အမည်နာမတွေကို

ဘုရားကျောင်းထောင့်ကွယ်မှာထောင်ထားခဲ့မှာ

သေချာ

အသက်ကိုဉာဏ်စောင့်တဲ့လူ့ယဥ်ကျေးမှုလှိုင်းလုံးကြီးကလည်း

နေရပ်မဲ့မယ်

တိုင်းပြည့်မဲ့မယ်

ဘာကြိုတွေးစရာလိုလဲ မျက်စောင်းထဲ

မင်းရှေ့က ငါတွေ

ငါရှေ့က မင်းတွေလောက်

ချစ်ခြင်းမေတ္တာကိုတန်ဖိုးကြီးကြီးပေးပြီးမှ

အသက်ဟာ တငွေ့ငွေ့လောင်မြှိုက်နေမယ်။     ။

    မိုးခါး

8.1.2020