စိုး​နောင်(မုံရွာ) - ဗိုလ်ချုပ်ရုပ်ရှင်

Photo Credit- Freedom of Burma 

ဗိုလ်ချုပ်ရုပ်ရှင်

စိုး​နောင်(မုံရွာ)

(မိုးမခ) ဖေဖော်ဝါရီ ၁၁၊ ၂၀၂၀

အမှန်တရားကခါးတယ်ဆိုရင်

ဗိုလ်ချုပ်ဟာတမာပင်။

​နေ​ရောင်ပြင်းပြင်းရဲ့​အောက်မှာ

တမာပင်ရဲ့အရိပ်ဟာ

မြန်မာနိုင်ငံပုံ။

ဗိုလ်ချုပ်ကို

​နေသုံးနေလုံးက​ကြောက်ကြတယ်

ပထမ​နေက​နေမဝင်ချင်တဲ့​နေ

ဒုတိယ​နေက​နေရဲ့သား​နေ

တတိယ​နေက​နေဝင်း​နောက်လိုက်​နေ။

ယိုးဒယားကိုသိမ်းနိုင်ဖို့

အ​လောင်းမင်းတရားကြီးရဲ့အ​လောင်းကို

ထမ်းပြီးတိုက်ခဲ့ကြဖူးတယ်

အခု

ဗိုလ်ချုပ်ပုံကိုကိုင်ကိုင်ပြီးဆန္ဒပြနေကြတာဟာ

ဗိုလ်ချုပ်ရဲ့အလောင်းကိုထမ်းပြီးတိုက်နေကြတာ။    ။