မောင်မှိုင်းလွင်(အင်းဝ) - တပေါင်း
တပေါင်း
မောင်မှိုင်းလွင်(အင်းဝ)
(မိုးမခ) မတ် ၂၉၊ ၂၀၂၁
လပြည့်လ ကို
ည မထွက်ရအောင်
ကာဖျူးမိန့်က မစွမ်းသာ။
"၁၄၄" ကို ဖီဆန်
အာခံရဲတဲ့ သရဖီ
ငါးပွင့်မက ငါးရာ ငါးထောင်
ဂုဏ်ပြောင်လိုက်ပါဘိ။
ဧည့်စာရင်း အလိုမရှိ
တပေါင်းတိုက်ပွဲမှာ
ကံ့ကော် ရဲရဲပွင့်ကြပြီ။
ပိတောက်ကလည်း
အဲဒီ သင်္ကြန်ကို
CDM ကြလိမ့်ဦးမယ်။
လပြည့်ဝန်း မှာ
သွေးစွန်းပြန်ပေါ့ တပေါင်းရေ...။
သမိုင်းထဲက ငါတို့တပေါင်း
ပြည်သူ့ကောင်းကျိုး ဆောင်ဦးစို့။ ။
၂ ၈ . ၃ . ၂ ၀ ၂ ၁
Posts
