ပန်းတော်ဆက် - စျေးမြို့ကလေး
(မိုးမခ) အောက်တိုဘာ ၂၇၊ ၂၀၂၁
ဖိနပ်ချုပ်သမားကလည်း
စစ်ဖိနပ်တိုက်တဲ့ ဂျူးလူငယ်လေး အထ္ထုပ္ပတိဖတ်လို့
ပလက်ဖောင်းပေါ်က ချာတိတ်မတွေလည်း
ဗီယက်ကောင်း ဇိမ်မယ်လေးအကြောင်း ပြောပြောနေကြ
အမှိုက်ကောက်တဲ့ကလေးကလည်း သူ့ဆူးချွန်ကို တ ဆ ဆ
အသားသည်မလေးကလည်း သူ့သားလှီး ဓားကို တ သ သ
စားပွဲထိုး ချာတိတ် ကလည်း ရေးနွေ အိုး မီး တ ဆွ ဆွ
ခုတလော
ကယ်ရီဂိတ်မှာလည်း ခါမီခါဇေ စစ်သည်တော်တွေအကြောင်း တဖွ ဖွ
တူတံစဥ် ကောက်ဆွတွေနဲ့
လယ်ကွင်းတွေထဲ နားစွင့်ထားကြပြီ....။
မြို့ကလေးရဲ့ နာကျဥ်းစိတ်ဟာ
မောင်းခလုပ်နှိပ်ဘို့အသင့်
ဆိပ်ကမ်းနဖူးမှာ အပြန်ကမ် ကို မီးတင်ရှို့ထားတဲ့ကြယ်တွေ
သူတို့ ဆံပင်တွေကို အလံတော်လို တလွှင့်လွှင့်
လမ်းဘေးအုတ်ခုံမှာ ဂစ်တာကို ခပ်ပြင်းပြင်းခေါက်ရင်း နားစွင့်နေကြ
ထင်းခွေမကြုံလည်း မုတ်ဆိတ်ရိတ်တော့ ကြုံအုံးမှာပဲဆိုတဲ့...
ဆံသဆိုင်လေးကလည်း အမြဲဖွင့်လျှက်သား.....။
ယခု သတင်းတစ်ပတ်မှာတော့...
ပန်းသည်မလေးဟာ သပြေပန်းတွေသာအမြဲ ရောင်းချနေခဲ့တယ်..။
ပန်းတော်ဆက်
-
t.me@moemaka
#MoeMaKaMedia
#WhatsHappeningInMyanmar
Posts
