ဆက်ဝေမိုး - ပုဒ်မချလို့မရတဲ့ အဝေးဆီ

ဆက်ဝေမိုး - ပုဒ်မချလို့မရတဲ့ အဝေးဆီ

မိုးမခ ၊ ဇန်နဝါရီ ၁ ၊ ၂၀၂၆

မုန်းတီးမှု ကင်းစင်တဲ့ အထီးကျန်ခြင်းက 

အနားသတ်မပါတဲ့ စကြာဝဠာ

ဆင်ခြင်တုံတရားတွေအားလုံး လွှင့်ပစ်လိုက်တယ် 

အဆုံးစွန်အထိ ဆိုပါစို့

အစက်ကလေး တစက်တောင် အရာထင်မနေတဲ့ 

အဲဒီကင်းဗတ်စပေါ်မှာ

အပိုင်းအစဆန်မှုက ပိန်းပိတ်အောင်မှောင်လို့

မင်း နောက်ကျခဲ့တာလား 

ဒါမှမဟုတ် 

ငါ စောနေခဲ့တာလား

မဆုံသောလမ်းမှာ တယောက်တည်း။  ။

ဆက်ဝေမိုး

၃၁၁၂၂၀၂၅

Join Us @ MoeMaKa Telegram
t.me@moemaka
Please show your support, donate with Zelle
Like and Subscribe MoeMaKa YouTube Channel
#MoeMaKaMedia
#WhatsHappeningInMyanmar