သင်းရည်လွင်- မိုးသက်လေထဲ

မိုးသက်လေထဲ

သင်းရည်လွင်

(မိုးမခ) ဇွန် ၁၂၊ ၂၀၁၉

တောင်လေတရွေ့ရွေ့ပြေးလာတော့

မိုးသည်းသည်း ရန်လိုခြင်းအသင့်

ငါးတို့ရေစီးသန်နေ့တွေဆီ

အိမ်ပြန်​လာတဲ့အခါ

အဝေးက ဒုက္ခပိုက်ကွန်ကို မေ့ဖူးတယ်

ခလုပ်ကန်သင်းတွေဖြာကျနေတဲ့

လောက ဝမ်းတစ်​ထွာ 

သူ ရှင်​သန်​ထမြောက်​ဖို့

ရေပြာပြာ မိုးဦး ရေဦးထဲ

လှိုင်းတွေသီတဲ့ တေးမှာ

တစ်​ချို့အရာတွေက

ပုံသဏ္ဏာန်​ အမျိုးမျိုးနဲ့

နစ်​ခဲ့ဖူးတာပေါ့

ပြန်​လိုက ပြန်​ပါ

ပင်လယ်ဆီ ခရီးက မမြင်ရသေး

ဒီလိုပဲ တိုက်ပွဲဆိုတာ

အနိုင်အရှုံးဆိုတာထက်

ငါးတွေ ဘယ်လိုရှင်သန်နေသလဲ

အဲဒါ အရေးကြီးတယ် ။ ။