ကန့်ကွက်သည့်ကြားမှ မြိတ်စည်ပင် ကန်ဖျားစျေးကို ပိတ်လိုက်ပြီ

သတင်း၊ ဓာတ်ပုံ - စိုးစံမင်း

(မိုးမခ) ဇူလိုင် ၁၄၊ ၂၀၁၉

စည်ပင်ဝန်ကြီးမှ ဖျက်သိမ်းရန် ၄လဆိုင်းငံ့ထားသည့် ကန်ဖျားကုန်စိမ်းဈေးကို မြိတ်စည်ပင်က ဖယ်ရှားရှင်းလင်းလိုက်သည်။

တနင်္သာရီတိုင်းဒေသကြီး အစိုးရအဖွဲ့ စည်ပင်ဝန်ကြီးမှ မြိတ်မြို့ရှိကန်ဖျားကုန်စိမ်းဈေးအား ဈေးသူဈေးသားများ၏အခက်အခဲနှင့် မိုးတွင်းကာလကြောင့် ၄လဆိုင်းငံထားရန် ညွှန်ကြားသော်လည်း မြိတ်စည်ပင်မှ ဇူလိုင် ၁၃ ရက်က လာရောက်ရှင်းလင်းသွားပြီဖြစ်ကြောင်းသိရသည်။

ယင်းကိစ္စနှင့် ပတ်သက်ပြီး ဇူလိုင် ၁၂ရက်နေ့က ထားဝယ်မြို့ရှိ တနင်္သာရီတိုင်းဒေသကြီး အစိုးရအဖွဲ့ရုံး၌ ဈေးသူဈေးသားများနှင့်တွေ့ဆုံစဉ် ကတိပေးပြောကြားခဲ့ကြောင်း သိရသည်။ မြိတ်စည်ပင်ဥက္ကဌ ဦးမြတ်ကိုကို ထံ ဆက်သွယ်ခဲ့သော်လည်း ပြန်လည်ဖြေကြားမှုမရရှိခဲ့ပေ။