တိုးနှောင်မိုး - မေ့ခြင်းမမေ့ခြင်း

မေ့ခြင်းမမေ့ခြင်း

တိုးနှောင်မိုး

(မိုးမခ) နိုဝင်ဘာ ၁၇၊ ၂၀၁၉

ပန်းတစ်ပွင့်ကို

လက်နဲ့ချေတာလောက်လွယ်တာ

ရှိဦးမလား။

စီတန်းလာတဲ့လူထုနဲ့သံဃာတော်တွေကို

သေနတ်နဲ့ပစ် တုတ်နဲ့ရိုက်တာလောက်လွယ်တာ

ရှိဦးမလား။

သံဆူးကြိုးကို

ဒေါင်းအလံနဲ့တွန်းလှဲဖွင့်တာမြင်ဘူးလား။

သေနတ်ရှေ့ကို

ဘက်နက်နဲ့ထိလုနီးပါးရင်ကော့သူကိုမြင်ဘူးလား

အမိန့်တွေသေသွားတယ်။

ဗိုက်ကြီးသည်ကိုယ်ဝန်အောင့်ထားတဲနိုင်ငံ

မေ့ခြင်းနဲ့

မမေ့ခြင်းတွေ

ဘာတွေမွေးမလဲ။ ။

5.11.2019