စိုးနောင်(မုံရွာ)- စစ်သင်္ချိုင်း
KT# |
စစ်သင်္ချိုင်း
စိုးနောင်(မုံရွာ)
(မိုးမခ) ဇန်နဝါရီ ၁၇၊ ၂၀၂၀
သင်္ချိုင်းကြီးကလှလိုက်တာ
ပန်းတွေကလှလိုက်တာ
သူတို့မှာ
ဆဲလ်ဖီဆွဲလို့မမော။
ပန်းတွေထက်ပိုလှတဲ့
နှလုံးသားတွေကိုသာတွေ့မိရင်
သင်္ချိုင်းကြီးကဒီထက်ပိုလှသွားမှာ
ငါ့ဟာ
မြတ်နိုးရှုမော။
ပန်းတွေ
အုတ်ဂူတွေဘက်ယိမ်းတာဟာ
ပြာဖြစ်နေတဲ့နှလုံးသားတွေကို
အလေးပြုနေတာ။
ပန်းတွေ
ဘယ်ညာယိမ်းတာဟာ
စစ်ကိုမလာပါနဲ့လို့တားနေတာ။
စစ်သင်္ချိုင်းကအပြန်
ငါ့နှလုံးသားလေးဟာ
ကြောက်လွန်းလို့တုန်နေတယ်
နေ့ခင်းကြောင်တောင်
တစ္ဆေခြောက်ခံလိုက်ရလို့။
သိပ်ကြောက်စရာကောင်းတဲ့တစ္ဆေ
စစ်တစ္ဆေ။ ။