နေစိမ့် - ငါ့တူရိယာ

ငါ့တူရိယာ

နေစိမ့်

(မိုးမခ) ဖေဖော်ဝါရီ ၂၀၊ ၂၀၂၀

ကံစီမံရာ လှောင်ပြောင်စောင်းမြောင်းမှုကို

ရေလိုက်ငါးလိုက် ရယ်ပွဲဖွဲ့နိုင်ရင်

ဘဝဟာ နေချင့်စဖွယ်။

တခါတရံ

တရေးနိုးထပွက်တတ်တဲ့ သံဝေဂကို

ငါးစာချမိတယ်။

ရွှေ့ပြောင်းအခြေစိုက်လာတဲ့ယုံကြည်မှုကို

သစ္စာတိုင်ရတုနဲ့ ညှိယူလို့။

ရှင်သန်းခြင်းယန္တရားထဲ

စစ်သွေးကြွစိတ်နဲ့လွန်းထိုးနေရ။

ကြယ်တွေကိုက်ချီသွားတဲ့ငါ့နာမည်

ဘယ်နေရာမှာပြုတ်ကျလာမလဲ

မျှော်လင့်ချက်ကို မျက်ခြေဖြတ်ထားရတယ်။ ။ 

နေစိမ့်