မိုး​ကျော်​ဌေး - ထူးချွန်​တယ်​ဆိုတာ​တော်​လှန်​တာပဲ

KT#

ထူးချွန်​တယ်​ဆိုတာ​တော်​လှန်​တာပဲ

မိုး​ကျော်​ဌေး

(မိုးမခ) ဖေဖော်ဝါရီ ၇၊ ၂၀၂၀

လူအုပ်​ကြီးကို စနစ်​တကျ ချစီလိုက်​တော့

အသုံးမကျတဲ့ဝါကျတစ်​ကြောင်းဟာ

​မြွေလို ထ​ပေါက်​တယ်​၊

လမ်းမ​တွေပေါ်ချခင်းထားတဲ့ မိုက်​မဲခြင်း​ဟာ

နှစ်​ရှည်​စီမံချက်​ပဲ

ဆီစားသက်​သာတဲ့ လမ်းကြိတ်​စက်​တွေက

လူစားပက်​စက်​တယ်​၊

မင်းတြားကြီးရဲ့ မစင်​ပုံ​ပေါ်က

​ယင်​ကောင်းယင်​မြတ်​တွေရဲ့​ဥပ​ဒေ ဓမ္မသတ်​ကို

ကျမ်းစာအုပ်​အ​စောင်​စောင်​ကြား

ညှပ်​ထားခဲ့​လေ​ရော့သလား

၂၀၀၈ ဆိုတာဟာ

မနာချင်​လဲ နာခဲ့ရတဲ့ တရားပဲ ၊

သုံးနာရီစာ​မေးခွန်းကို

သုံးမိနစ်​နဲ့​ဖြေခဲ့မိတဲ့က​လေးတ​ယောက်​ရဲ့ ၀ဋ်​ကြွေး

သူ့ခမျာ

မိဘအုပ်​ထိမ်းမှုနဲ့​ဝေးခဲ့ရပုံ ။

၁၊ဒီဇင်​ဘာ၊၂၀၁၈