လင်းနွေးအိမ် - ရုပ်ရှင်ဝေဖန်စာ

ရုပ်ရှင်ဝေဖန်စာ

လင်းနွေးအိမ်

(မိုးမခ) မတ် ၁၂၊ ၂၀၂၀

ဗမာကားကြည့်ရသလိုပါပဲ

မင်းသားစရိုက်လဲသိတယ်

မင်းသမီးစရိုက်လဲသိတယ်

လူကြမ်းစရိုက်လဲသိတယ်။

အံ့ကျော်ကြီးနှုတ်ခမ်းတချက်တွန့်ပြီးပြုံးလိုက်တဲ့နောက်ကွယ်မှာ

ရှိုက်သံကြားရမှာလဲသိတယ်။

မင်းသမီးစီးကရက်ငွေ့မှုတ်ထုတ်

ခေါင်းမော့လိုက်ရင်ဘာဖြစ်မလဲဆိုတာလဲသိတယ်။

ဒါရိုက်တာဘယ်သူ

ဇာတ်ညွှန်းဘယ်သူ

မှန်ထိုးမီးထိုးဘယ်သူဆိုတာလဲသိတယ်။

ကျနော်တို့ပရိသတ်မသိတာက

ဒါရိုက်တာနေရာ

မင်းသမီး မင်းသားနေရာ

လူကြမ်းနေရာတွေကို

ဘယ်လိုအစားထိုးၿပီး

ဘယ်လိုဇာတ်ညွှန်းသစ်နဲ့ရိုက်မှ

နိုင်ငံတကာစျေးကွက်မှီမလဲဆိုတာပဲ။

အခုတော့

လူကြမ်းမလဲ

မင်းသမီး မင်းသားမလဲ

ကွမ်းတံတွေးတွေပေနေတဲ့ရုံရှေ့မှာပဲ

ဝေ့လည်ဝေ့လည်ပေါ့။

လင်းနွေးအိမ်

မတ်လ ၁၀ ရက် ၂၀၂၀။