ကျော်ဟုန်း - ပစ္စန္တရစ်ဇာတ်
KT#
ပစ္စန္တရစ်ဇာတ်
ကျော်ဟုန်း
(မိုးမခ) ဧပြီ ၁ ရက်၊ ၂၀၂၀
ညဟာ
ဖဲမွေ့ယာပျောက်နေတာ ကြာပြီ။
နေ့ဟာ
နိုးတဝက်အိပ်မက်နဲ့
ကယောင်ခြောက်ခြားရောထားတဲ့
အာဟာရအတု။
ပုံမှန်တွေကို
အကျင့်ဖျက်နေတဲ့ မျက်လုံးတစ္ဆေ
နာရီလက်တံကို ပြောင်းပြန်ရွှေ့နေတယ်။
ဒီလို ကာလမျိုးထဲ
ဘယ်ရွှေကျီးမှ မသာ
ဘယ် ရွှေဧည့်မှ မလာ။
အပျင်းပြေကြည့်မိတဲ့
ဒရက်ကူလာ သရဲကားဟာ
ဒီလူ့အတွက် ရယ်စရာဟာသပေါ့။
ချက်ကောင်း ကျည်ထိတဲ့ ကျားရဲ့
နောက်ဆုံး ဟိန်းဟောက်သံမျိုးသာ
ဒီလူအတွက် ခွန်အားဖြစ်ဆေးပါပဲ။
ကျော်ဟုန်း
၂၀၂၀၀၂၃၀