သင်းရည်လွင် - တယ်လီဖုန်းသတင်း

တယ်လီဖုန်းသတင်း

သင်းရည်လွင်

(မိုးမခ) ဧပြီ ၆၊ ၂၀၂၀

အိမ်တွင်းပုန်းသူဟာ

ရွာမလိုညိုနေတဲ့  မိုးလိုအစိုးမရ

စိတ်ကိုစိတ်က ညှို့လို့

လူသံတိတ်တိတ်လမ်းတွေကို

ဖျက်ထားလိုက်တယ်

သတင်းတစ်ပိုင်းတစ်စမှာ

ကျွန်တော်တတိယအကြိမ်လက်ဆေးပြီးစပါပဲ

လူတွေလည်းနာနေပါပြီ

လူနာဟာ

နာနေတဲ့အနာကိုလုံအောင်ဖုံးထားဖို့အပြင်ဘာမှမရတော့ပါဘူး

ကပ်သုံးပါးအကြောင်းမှာ

ကျွန်တော်တို့ ဆိုက်ကပ်ခဲ့ပြီ

ဒါနောက်ဆုံးတယ်လီဖုန်းသံပဲဖြစ်ပါတယ်။

-

142020