ဘုန်းနိုင်လင်း - သမိုင်းဝင်လမ်း
သမိုင်းဝင်လမ်း
ဘုန်းနိုင်လင်း
(မိုးမခ) သြဂုတ် ၁၇၊ ၂၀၂၀
အလွမ်းကလည်းရာဇဝင်
အကန်းကလည်းရာဇဝင်ဆိုပဲ
လမ်းကတော့ တူမယ်ထင်လား
အကန်း တစ်လမ်း
အလွမ်း တစ်လမ်း
မေတ္ထာလမ်းကလွဲရင်
တစ်ခေတ်ထဲအတူအကဲစမ်းနေလား
တာဝန်ဆိုတဲ့အထင်နဲ့
လက်ထဲကကိုင်ထားတဲ့ ကိုယ့်ရာဇဝင်
ကိုယ့်ဟာကိုယ်ပြန်ကြည့်ဖို့လိုမယ်ထင်
မှိုင်းဝေပြီးချစ်နေရတဲ့ဘဝလား
မှိုင်းဝပြီး လွင့်ပျံနေရတဲ့ဘဝလား
အကျိုးလိုလို့ ညောင်ရေသွန်းတဲ့ခေတ်ကြီးမှာ
လူရာဝင်နေပုံက
ထိပ်ကပ်နာမဟုတ်ဘူး
ပန်းနာရင်ကြပ်မဟုတ်ဘူး
အဆဆပွားနေတဲ့ ကင်ဆာဆဲလ်
အမြစ်ကျန်ရင်တောင်
ခေတ်မှာတောင်ပြဿနာရှိ
ကိုယ့်ဘဝကိုယ်ပြန်ကြည့်ဖို့လိုမည်
အနာဂတ်မှာ
အခါခပ်သိမ်း ငြိမ်းရမယ့်မီးတွေ
အချစ်ဆိုတာ ထာဝရ
လူသားအားလုံးရဲ့ ဘဝလိုအင်
ထမ်းတင်ပေးရမယ့်စွမ်းအင်
မင်းမှာ မြင်ဖို့ ရင်အသင့်ရှိပြီလား
ဒီနေ့အပြင်အဆင်ဟာ
မနက်ဖြန် ရဲ့ရာဇဝင်
မင်းရဲ့သတ္ထိကိုမြင်ရမဲ့
နှလုံးသားရဲ့သမိုင်းဝင်နေ့ရက်။
17Aug2020
12:46AM