ဆိုင်းဗျူ - ကိုဗစ်ကပ်ကြောင့် စားနပ်ရိက္ခာပြတ်လပ်နေတဲ့ မြောက်ဖျားပိုင်း နယ်စပ်တောင်ပေါ်ဒေသ

(မိုးမခ) ဩဂုတ် ၁၇၊ ၂၀၂၀

"တရုတ်ပြည််နယ်စပ်ဂိတ်ကအားလုံးပိတ်လိုက်တော့ ကားလည်း သွားလို့မရတော့ဘူး လူတောင်ဝင်လို့မရတော့ဘူး ဘာမှသွားဝယ်လို့မရဘူး တော်တေယ်လေးကို ဒုက္ခရောက်နေတယ်လို့လာပြောကြတယ်"ဟု ခေါင်လန်ဖူး ဒေသခံ ကို မဖန်ဆာအောင်ကပြောသည်။

တရုတ်နိုင်ငံနှင့်ထိစပ်နေသည့် ကချင်ပြည်နယ် ပူတာအိုခရိုင် ခေါင်လန်ဖူးမြို့အတွင်းရှိ နယ်စပ်တောင်ပေါ်ဒေသ မြောက်ဖျားပိုင်း ၌နေထိုင်နေသည့် တောင်ပေါ်ဒေသ ကျေးရွာများတွင်နေထိုင်နေသည့် တောင်ပေါ်ဒေသများ တွင် စားနပ်ရိက္ခာ များ ပြတ်လပ်မှုအခက်အခဲအားရင်ဆိုင်ကြုံတွေ့နေရပါသည်။

ကမ္ဘာ့ကပ်ရောဂါကြောင့် တရုတ်နိုင်ငံဘက်မှ နယ်စပ်ဂိတ်များ ပိတ်လိုက်သောကြောင့် စားသောက်ကုန်များ တရုတ်နိုင်ငံထဲသို့ဝင်၍ ဝယ်ယူနိုင်ခြင်းမရှိသောကြောင့် ရွာသူရွာသားများ မှာ ပို၍ ခက်ခဲသွားလေတော့သည်။ တရုတ်ဘက်မှ နယ်စပ်ဂိတ်များအား ၁လပိုင်းမှ စတင်၍ ပိတ်လိုက်သည့်အတွက်ကြောင့် စားနပ်ရိက္ဃာရ ရှိမှုပို၍ ပင်ခက်ခဲသွားလေတော့သည်။ အရင်အချိန်၌ နယ်စပ်တလျှောက်နေထိုင်သည့်ရွာသူရွာများမှာ တရုတ်နိုင်ငံထဲသို့ဝင်ပြီး စားနပ်ရိက္ခာဝယ်ယူမှုအား အားကိုးခဲ့ရလေသည်။

ပူတာအို နှင့်ခေါင်လန်ဖူး သို့လာရောက်ဝယ်ယူမှုမှာ အလွန်နည်းပါးလေသည်။ ထိုနယ်စပ်ဒေသမှ ခေါင်လန်ဖူးသို့ ဆင်းလာလျှင်လမ်းခရီး၌ ၅ရက်ခန့်လမ်းလျှောက်ရလေသည်။

ထိုနယ်စပ်တောင်ပေါ်ဒေသမှ ပူတာအို နှင့်ခေါင်လန်ဖူးဒေသ သို့ လာရောက်ဝယ်ယူဖို့ရန်လည်း လမ်းခရီးအလွန်ခက်ခဲလေသည်။

ပူတာအိုမှ ခေါင်လန်ဖူးထိ ကားလမ်ခရီးသွားလာလို့ရပေမဲ့လည်း မိုင်၂၀ ခန့် လမ်းလျှောက်ပြီးမှခေါင်လန်ဖူးသို့ရောက်နိုင်သည်။

၎င်းနယ်စပ်တောင်ပေါ်ဒေသ သို့ ကားလမ်းခရီးသွားလာလို့မရချေ လားများဖြင့်သာ စားသောက်ကုန်များအား သယ်ယူသွားရလေသည်။ ခေါင်လန်ဖူးမှ ခရီးနှင်လျှင် တောင်ပေါ်လမ်းသာဖြစ်သောကြောင့် အလွန်ခက်ခဲလေသည်။

"ရှိန်ခေါင်နဲ့ ဇီးထန့်ကျေးရွာတွေမှာ လမ်းပိတ်ထားတဲ့အတွက် အစားအသောက်ခက်ခဲနေတယ် လမ်းခရီးခက်ခဲတဲ့အတွက် ကြောင့် လားနဲ့သယ်ယူပို့ဆောင်ရတယ်မိုးတွင်းကာလဆိုတော့ ပိုမိုပြီး ခက်ခဲတာတွေ ထွက်ပေါ်လာတော့မယ်"ဟု ကို ဇနိမ်ဖေရမ်ကပြောသည်။

တရုတ်ပြည်နှင့်ထိစပ်နေသော ကျေးရွာများမှာ ရှိန်ခေါင်ကျေးရွာ၊ ဇန်ယောကျေးရွာ၊ ဇီးထန့်ကျေးရွာ၊ရှိန်လန်ကျေးရွာ၊ တို့ဖြစ်ပြီး ခေါင်လန်ဖူးမြို့နယ်နှင့်မိုင်၈၀ကျော်ကွာဝေးသည်။ တရုတ်နိုင်ငံမှ ပိတ်ထားသည့် နယ်စပ်ဂိတ်များမှာ -
၃၀ အမတ်ပေါ်နယ်စပ်ဂိတ် ၊

၃၁ ရှိန်းခေါင်နယ်စပ်ဂိတ်၊

၃၅ အလန်းနယ်စပ်ဂိတ်
၄၁ မခွမ်ကန်နယ်စပ်ဂိတ်တို့ဖြစ်သည်။

"တောင်ပေါ်ဒေသ ဖြစ်တဲ့အတွက်ကြောင့် စပါးစိုက်တာလည်းမကောင်းဘူး၊ စိုက်ပျိုးရေး မွေးမြူရေးလည်းမကောင်ဘူး"ဟု ဒေသခံကိုမဖန်ဆာအောင်ကပြောသည်။

၎င်းနယ်စပ်တောင်ပေါ်ဒေသ သို့ စားသောက်ကုန်ပစ္စည်းများ ရောက်ရှိနိုင်ဖို့ လမ်းခရီးကြမ်းတမ်းသောကြောင့် လားများဖြင့်အသုံးပြုရသောကြောင့် လားတကောင်ငှါးရမ်းလျှင် ၆၀,ဝ၀ဝ ကျပ်ကုန်လေသည်။ ယခု မိုးတွင်း၌ ပို၍ သွားလာရေး ခက်ခဲနေသည်။ တောင်စောင်းလမ်းဖြစ်သောကြောင့် မြေပြိုမှုဖြစ်ပြီး သွားလာရေး အဟန့်အတားရှိလေသည်။ အလုပ်ကိုင်များလည်း မရှိသောကြောင့် ဝမ်းရေးအတွက်ခက်ခဲနေခဲ့၏။ ကပ်ရောဂါမဖြစ်ပွားလျှင် တရုတ်နိုင်ထဲသို့ဝင်ရောက်ပြီ ပိုက်ဆံရှာကြလေသည်။ ယခုမှာ နယ်စပ်ဂိတ်ဝင်ပေါက်များ အားလုံးပိတ်လိုက်သောကြောင့် တရုတ်ပြည်ထဲသို့အလုပ်ဝင်ရောက်လုပ်ကိုင်မှုခက်ခဲသွားခဲ့လေသည်။ ထိုနယ်စပ်ဒေသတလျှောက် နေထိုင်သည့်လူဦးရေမှာ တသောင်းကျော်ခန့်နေထိုင်ကြလေသည်။ ရဝမ်လူမျိုးနှင့်လီဆူလူမျိုးအများဆုံးနေထိုင်သည့် တောင်ပေါ်ဒေသဖြစ်၏။

ထိုနယ်စပ်တောင်ပေါ်ဒေသမှ ပြည်သူများ၏ လူမှုဘဝဒုက္ခများမှာ ထိန့်လန့်တုန်လှုပ်စရာကောင်းလှပါသည်။ ကမ္ဘာ့ကပ်ရောဂါ် မှာဘယ်အချိန်ထိ သက်ဆိုးရှည်နေအုံးမည်မှာ မသိနိုင်သေးသည့်အခြေအနေ၌ ကြုံတွေ့နေရသည်။

ထိုကပ်ရောဂါနှင့်အတူ သူတို့ဘဝမှာလည်း စားနပ်ရိက္ခာခက်ခဲမှု ခံစားနေရအုံးမည်ဖြစ်ပါသည်။ ပွင့်လင်းရာသီ မရောက်ခင်ချိန်ထိ သူတို့ဘဝများ ခက်ခဲနေအုံးမည်ဖြစ်ပါသည်။

ယခုရက်ပိုင်းအတွင်း ထို တောင်ပေါ်ဒေသ ခေါင်လန်ဖူးခရီးစဉ်သို့ စားနပ်ရိက္ခာများ သွားရောက်ကူညီပို့ဆောင်ပေးခဲ့စဉ်အခက်အခဲနှင့် ဒေသခံတို့၏ အကြောင်းတစေ့တစောင်းကိုလည်း အဆိုတော်ကိုထူးအယ်လင်း၏ လူမှုကွန်ရက်စာမျက်နှာတွင်သွားရောက်ကြည့်ရှုခံစား တွေ့မြင်နိုင်ပါသည်။

ဓာတ်ပုံ -Sar Aung Marphang