မြန်မာ့နွေဦးတော်လှန်ရေးကဗျာများ- န ထ န ၊ နေပန်ဦး
မြန်မာ့နွေဦးတော်လှန်ရေးကဗျာများ
မိုးမခ
ဇွန် ၂၅၊ ၂၀၂၁
-
မပြောဘူး
တခုခု ပြောပါ ဆိုရင်တောင်
ငါ့လွမ်းဆွတ်
နာကျင်ချင်းတွေ
မပြောမိဖို့
ငါတို့ ခေတ်ကြီးထဲ
ငါတို့ကိုယ်တိုင်
ငါတို့
ဆို့နင့်ခြင်းတွေ
မပြောမိဖို့
သတိ ကပ်ထားတယ်
ခရီးက
ရောက်တော့မှာပဲ
နည်းနည်း ပိုကြာတယ်လို့
ထင်ကြတယ်
နည်းနည်း
ပိုပေးဆပ်ရတယ်လို့
ထင်ကြတယ်
ဒီလိုဆိုလည်း
နည်းနည်း
အားစိုက်လိုက်ပါလား
သွေးသံရဲရဲ
ရင်ဘတ်တွေ
သူများမပြမိဖို့ လောက်ပါပဲ ။
န ထ န
ဇွန်လ ၂၃ ၂၀၂၁ ည
...
ဂမ္ဘီရမျိုးဆက်
မြစ် နဲ့လည်း ...ဝေး
တာ နဲ့လည်း ... ဝေး
လူတွေနဲ့လည်း ... ဝေး
မေတ္တာဝေးနာမည်နဲ့ ရွာလေးဟာ
ကမ္ဘာပေါ်မှာ ... ရှိနေတယ်
မေတ္တာတရားတွေ ထွန်းကားစွာနဲ့။
မရှိရှာတော့တဲ့ ...နံမည်တွေ
ရှာရမယ့် ...လမ်းတွေ
နား၊ ရင်ဘတ်၊ နှလုံး၊ ကျောပြင်
လူငယ်တွေက ... မြေပုံကိုယ်စီနဲ့ ။ ။
နေပန်ဦး
၂၁. ၆. ၂၀၂၁
t.me@moemaka
#MoeMaKaMedia
#WhatsHappeningInMyanmar