မြန်မာ့နွေဦးတော်လှန်ရေးကဗျာများ - ဝါကျဖြူ၊ ဘမောင်

မြန်မာ့နွေဦးတော်လှန်ရေးကဗျာများ

မိုးမခ

ဇွန် ၂၈၊ ၂၀၂၁

-

အံသွားတို့မိတ်လိုက်ခြင်း

တယ်လီဖုန်းမြည်သံရဲ့နောက်ကြောထဲက

တစ္ဆေရဲ့ အရိပ်တွေစိုက်ဝင်နေတဲ့

ဆွံ့အနေတဲ့မိုးကောင်းကင်ကြီးရှိတယ်။

ခါးသက်မှုတခုလုံးကိုတယောတလက်ထဲထည့်ပြီးထိုးနေတဲ့လူတယောက်ရဲ့ 

အဆိပ်သင့်နေရောင်တွေ။

ကျည်ဆံတွေထဲကမေ့မျောနေတဲ့လမ်းမတွေ

' ဝ ' သုညလေးတွေပုန်းအိပ်နေရတဲ့မျက်

တောင်ထဲကအခွံခွာချခံထားရတဲ့မျက်ရည်တွေ။

နွေဦးကနေထူပိန်းလာတဲ့လေပွေတွေ

အရပ်သုံးဘာသာစကားထဲကမိုးမှောင်ကျနေ့စွဲတွေ ။

 ဝါကျဖြူ

27/6/21

...

ရေဒီယို နားထောင်ခြင်း

တောစပ်ကနေပြီး လှမ်း 

ကြည့်နေမိတယ်

ရွာဘက်က တက်လာတဲ့ မီးခိုးလုံးမဲမဲတွေ

အလိပ်လိုက် အလိပ်လိုက်

အတိတ်ဆီ ပြန်

သွားနေကြတယ်

ဘမောင်

၂၆-၆-၂၀၂၁

-

Join Us @ MoeMaKa Telegram

t.me@moemaka

#MoeMaKaMedia

#WhatsHappeningInMyanmar