ကိုအောင်မှိုင်း - ကျနော်ဖြတ်သန်းခဲ့သောပြောက်ကျားစစ်ခရီး - အပိုင်း ၇

Anti-coup protesters hold improvised weapons during a protest in Yangon, Myanmar, on April 3, 2021

ကိုအောင်မှိုင်း - ကျနော်ဖြတ်သန်းခဲ့သောပြောက်ကျားစစ်ခရီး - အပိုင်း ၇

(မိုးမခ) ဩဂုတ် ၂၃၊ ၂၀၂၁

နွေဦးတော်လှန်ရေးတိုက်ပွဲနဲ့ဖက်ဆစ်ဝါဒ

ဖက်ဆစ်ဆိုတာ
အိမ်စောင့်အစိုးရလို့ပြောပြော
အိမ်ဖျက်အစိုးရလို့ဆိုဆို
အိမ်လုအစိုးရလို့သမုတ်သမုတ်
ဖက်ဆစ်အစိုးရကတော့ ဖက်ဆစ်ပါဘဲ။
ဖက်ဆစ်ဆိုတာ လူတွေကိုသတ်ရုံတင်မဟုတ်ဘဲ
လူတွေကိုလိမ်ဘို့ညာဘို့လဲအမြဲကြိုးစားလေ့ရှိတယ်။

ကိုအောင်မှိုင်း
သြဂုတ်လ ၁ရက် ၂၀၂၁ခုနှစ်။

ကျနော့်ဒီမှတ်ချက်နဲ့ဘဲ အစချီလိုပါတယ်။ ကျနော်တို့ဖြတ်သန်းခဲ့တဲ့ ကာလတလေ ျှာက်လုံး ဒီစစ်တပ်ဟာ ကျနော်တို့ တော်လှန်ရေးအင်အားစုတွေအပေါ် ပက်ပက်စက်စက် တိုက်ခိုက်ကြတယ်။ သတ်ဖြတ်ကြ တယ်။ဖမ်းဆီးနှိပ်စက်ကြတယ်။ဒီလိုဘဲ ကျနော်တို့တော်လှန်ရေးအင်အားစုတွေအနေနဲ့ ညီညီညွတ်ညွတ် ပြန်လည် ခုခံတိုက်ခိုက်လို့ အထိနာလာပြီဆိုတာနဲ့ လိမ်ညာတာတွေ ကောက်ကျစ်ယုတ်မာတာတွေကို အ ရှက်မရှိစွာဘဲ မျက်နှာပြောင်ပြောင်နဲ့ လုပ်လေ့ရှိတာကို တွေ့ရမှာဖြစ်ပါတယ်။အဓိကလုပ်ခဲ့ကြတာကတော့ အပစ်အ ခတ်ရပ်စဲရေးဆိုတဲ့ စစ်တပ်အတွက်အသာစီးရစေမဲ့အချိန်တခုကို ဖန်တီးယူခဲ့ကြတာဖြစ်ပါတယ်။ သမိုင်းတလေ ျှာက် ဘယ်အပစ်အခတ်ရပ်စဲရေးကမှ ပြည်တွင်းငြိမ်းချမ်းရေးကို မတည်ဆောက်နိုင်ခဲ့ပါ ဘူး။ပြည်တွင်းငြိမ်းချမ်းရေးဆွေးနွေးပွဲဆိုတာတွေကိုလဲ စစ်တပ်ကတဖက်သတ်ဖျက်သိမ်းလေ့ရှိခဲ့တာ ခိုင် မာတဲ့ အထောက်အထားတွေရှိခဲ့ပါတယ်။ငြိမ်းချမ်းရေးဆွေးနွေးပွဲဖျက်ပြီးတာနဲ့ ရထားတဲ့အချက်အလက် တွေနဲ့ ထိုးစစ်တွေစတင်တော့တာပါဘဲ။ ဒါကလဲတကြိမ်ထဲမဟုတ်ပါဘူး။ အကြိမ်ကြိမ်ဖြစ်ပါတယ်။ ကျနော် တဦးထဲအမြင်ကတော့ အပစ်အခတ်ရပ်စဲရေးတို့ ပြည်တွင်းငြိမ်းချမ်းရေးတို့ဆိုတာတွေဟာ လက်ရှိအခြေ အနေအရတော့ စစ်အုပ်စုရဲ့ထောင်ချောက် အကြိးစားတွေ ထက်မပိုဘူးလို့ဘဲပြောရတော့မှာပါ။

ကနေ့ကျနော်တို့နိုင်ငံရဲ့နွေဦးတော်လှန်ရေးတိုက်ပွဲဖြစ်စဉ်မှာ ပြည်သူလူထုတရပ်လုံး အကြမ်းဖက်စစ် အုပ်စုကို မိမိတို့အတတ်နိုင်ဆုံးနည်းနဲ့တော်လှန်အာခံနေချိန်ဖြစ်ပါတယ်။ဆန္ဒပြတဲ့သူက ဆန္ဒထွက်ပြ ကြသလို သံပုံးတီးတဲ့သူကလဲ သံပုံးတီးနေကြပါတယ်။ ဒီလိုဘဲ ဒေသဆိုင်ရာကာကွယ်ရေးတပ်ဖွဲ့တွေဖွဲ့ပြီး ဒေသအလိုက် ခုခံကာကွယ်နေကြချိန်လဲဖြစ်ပါတယ်။တပြိုင်နက်ထဲဆိုသလိုပါဘဲ အမျိူးသားညီညွတ်ရေး အစိုးရ NUG အစီအစဉ်နဲ့ အမြဲတမ်းတပ်မတော်တရပ်ကို လေ့ကျင့်ထူထောင်နေဆဲလို့ ပြောရမဲ့အချိန်ဖြစ် ပါတယ်။ကျနော် အကြိမ်ကြိမ်ပြောခဲ့သလိုပါဘဲ။မတူတဲ့တိုက်ပွဲသဏ္ဍာန်တွေဖြစ်သလို တိုက်ပွဲနည်းနာက လဲ မတူခြားနားလေ့ရှိပါ တယ်။ဆန္ဒပြလို့ပစ်အသတ်ခံရသလို သံပုံးတီးလို့ဖမ်းဆီးရိုက်နှက်တာခံကြရတာ တွေလဲတွေ့ရလေ့ရှိပါတယ်။ PDF ဖြစ်တဲ့ ဒေသပြောက်ကျားရဲဘော်တွေကို အစုလိုက်အပြုံလိုက် ရက်ရက် စက်စက်သတ်ဖြတ်တာကိုလဲ ကျနော်တို့အထောက်အထားအခိုင်အမာနဲ့ တွေ့မြင်သိရှိနေရချိန်ဖြစ်ပါ တယ်။ ကနေ့စစ်တပ်ဟာ လူထုတရပ် လုံးကို ရန်သူလိုသဘောထားပြီး သတ်ဖြတ်ဖမ်းဆီးနှိပ်စက်တယ်ဆို တဲ့ အကြမ်းဖက်နည်းနဲ့အနိုင်ကျင့်တာလွဲ ပြီး အခြားမရှိတော့ပါဘူး။ဒီလိုရက်ရက်စက်စက် အကြမ်းဖက်တဲ့ လုပ်ရပ်တွေကို ဖုံးကွယ်ဘို့အတွက် နေ့တဓူ၀ ဂုဏ်သိက္ခာကင်းမဲ့စွာ လိမ်လည်လှည့်ဖျားတဲ့အလုပ်ကို အရှက်ကင်းမဲ့စွာပြောဆိုလုပ်ကိုင်နေလေ့ရှိတာကိုလဲ ထင်ထင်ရှားရှား တွေ့နေရတာဖြစ်ပါတယ်။

လွတ်လပ်ရေးရပြီးချိန်ကစပြီး အမွှာဆိုသလိုဖြစ်ပေါ်လာတဲ့ ပြည်တွင်းစစ်ဟာ ဗမာပြည်သူတွေအတွက် တော့ ဘုရားသခင်ကပေးတဲ့ကြိမ်စာလို့ဆိုရင် မှားမယ်မထင်ပါ။ဗမာပြည်သမိုင်းကလဲ လက်နက်ကိုင်တိုက် ပွဲသမိုင်း လို့ဆိုရင် ပိုပြည့်စုံမယ်ထင်ပါတယ်။ဒီလက်နက်ကိုင်တိုက်ပွဲသမိုင်းတလေ ျှာက် ကနေ့ဗမာ့တပ် မတော်လို့ခေါ်တဲ့ ဗမာစစ်တပ်ရဲ့လူမျိူးပေါင်းစုံပြည်သူလူထုကြိးတရပ်လုံးအပေါ် ပက်ပက်စက်စက် သတ် ဖြတ်နှိပ်စက် ဖမ်းဆီးအနိုင်ကျင့် စော်ကားမှုတွေဟာ ရေတွက်လို့ကုန်နိုင်ဖွယ်မရှိတော့ပါဘူး။ ဒီလိုရက် စက်မှုတွေ ရာဇဝတ်မှုတွေအတွက် ဗမာစစ်တပ်ဟာပြစ်ဒဏ်တွေက ကင်းလွတ်နေတာကလဲ စိတ်ပျက် စရာကောင်းတဲ့ ဗမာပြည် နိုင်ငံရေးလို့ဘဲဆိုရတော့မှာပါ။လူသတ်တာကို အင်မတန်လက်ယဉ်တဲ့စစ်တပ် လူသတ်တာကို ထ္မင်းစားရေ သောက်လိုသဘောထားတဲ့စစ်တပ် လူသတ်တာရိုက်နှက်ထိုးကြိတ်တာ လူသားအချင်းချင်းအပေါ်အနိုင်ကျင့် စော်ကားတာတွေကို ပျော်စရာကိစ္စတွေလို သမာန်ဖြစ်ရိုးဖြစ်စဉ် ကိစ္စတွေလို သဘောထားနိုင်လောက်အောင် စိတ်ဓါတ်အရအင်မတန်အောက်တန်းကျလွန်းတဲ့ စစ် တပ်ဖြစ်ပါတယ်။ ရာဇဝတ်သားတွေနဲ့ စုဖွဲ့ထားတဲ့ အစု အဖွဲ့တခုထက် မပိုပါဘူး။ လူ့အဖွဲ့အစည်းတခုလုံးရဲ့ လူသားဖြစ်ရပ်တည်မှုအတွက် အလွန်ကြောက်စရာ ကောင်းတဲ့ အန္တရယ်သရဲတစ္ဆေတွေလို့ဘဲ ပြော ရတော့မှာပါ။ကမ္ဘာပေါ်မှာ အရိုင်းစိုင်းဆုံးစစ်တပ် အယုတ်မာဆုံးစစ်တပ် အရှက်အနည်းဆုံးစစ်တပ် ဂုဏ်သိက္ခာမရှိဆုံးစစ်တပ်လို့ ပြောရတော့မဲ့အနေအထားဖြစ်ပါတယ်။

ဗမာပြည်ရဲ့အဓိကပြဿနာက စစ်တပ်ပြဿနာဖြစ်တယ်လို့ သုံးသပ်လေ့ရှိပါတယ်။ဆိုလိုချင်တာက စစ်တပ် ဟာ စစ်အာဏာရှင်စနစ်အတွက် ဒေါက်တိုင်တွေဖြစ်နေလို့ပါဘဲ။ ပြည်တွင်းစစ်နှစ် ၇၀ကျော်မှာ စစ်တပ် အာဏာသိမ်းထားတာ နှစ်၆၀နီးပါးရှိပြီလို့ ပြောရတော့မယ်ထင်ပါတယ်။၁၉၆၂ခုနှစ်ကစပြီး ဗိုလ်နေဝင်း အာဏာသိမ်းလိုက်ကထဲက ကနေ့ထိ စစ်တပ်အနေနဲ့ သတ်ဖြတ်တာတမျိူး လိမ်ညာကောက်ကျစ်တာတဖုံ အာဏာအတွက် အမျိူးမျိူးယုတ်မာပက်စက်စွာ တိုင်းပြည်ကိုမုဒိန်းကျင့်နေတယ်လို့ ပြောနိုင်မယ်ထင်ပါ တယ်။ရွှေပြည်သာမှာ တိုက်ပွဲဝင်ရင်းကျဆုံးသွားခဲ့တဲ့ လူဆိုးကြိးတယောက်ပြောစကားကို သတိတရ ရှိမိပါ တယ်။“ငါတို့က ဆိုးရုံဆိုးတာကွ မယုတ်မာဘူး” ဆိုပြီး အသေခံတိုက်ပွဲဝင်သွားခဲ့တာပါ။ ကနေ့ဗမာစစ်တပ် ကတော့ ဆိုးလဲဆိုးတယ် ယုတ်လဲယုတ်မာပါတယ်။ ကျနော့်အမြင်ကတော့ ဗမာစစ်တပ်ဟာ ခြေဆုံးခေါင်း ဆုံး စစ်သားကစပြီး ဗိုလ်ချူပ်မှုကြိးဆိုသူအထိ ဖက်ဆစ်ယဉ်ကျေးမှုအောက်မှာ လိုက်ရောညီထွေ နေထိုင် စားသောက် ကြီးပြင်း လာကြသူများဆိုရင် မှားမယ်မထင်ပါ။

ဖက်ဆစ်ဝါဒကိုမြန်မာအဘိဓာန်ကျမ်းမှာတော့ ဒီလိုအနက်ဖွင့်ထားတာတွေ့ရပါတယ်။

ဖက်ဆစ်ဝါဒ၊ န - ကြမ်းတမ်းရက်စက်စွာ ဖိနှိပ်အုပ်စိုးသောအာဏာရှင်ဝါဒ (လိပ်၊ facist +ပါ၊ဝါဒ)။

ဒါကိုကြည့်ရင် စစ်အာဏာရှင်စနစ်ရဲ့အနှစ်သာရက ဖက်ဆစ်ဝါဒကိုအခြေပြုထားတယ်ဆိုတာ ထင်ရှားပါ တယ်။ဗမာစစ်တပ်ရဲ့သဘောသဘာဝက စစ်တပ်ထဲဝင်လို့စစ်ကျောင်းတက်တာနဲ့ လူဘဝကနေ တိရိစ္ ဆာန်ဘ၀ ကို အရှင်လတ်လတ်ရောက်သွားတော့တာပါ။ ရက်ရက်စက်စက် နှိပ်ကွပ်ခံရမယ်။ဆက်ဆံ ခံရမယ်။ကျွေးတာစား ပေးတာယူ ခံမပြောနဲ့ ရေဗူးပေါက်တာမလိုချင်ဘူး ရေပါတာဘဲလိုချင်တယ်။ လူကို လူလိုဆက်ဆံတာတို့ လူလိုစဉ်းစားတာတို့ မွေးရာပါလူ့အခွင့်အရေးဆိုတာတွေကို သင်လဲသင်မပေး လိုက်ဘူး။သင်တဲ့လူတွေကိုယ်တိုင်လဲမသိဘူး။ နားလဲမလည်ဘူး။ အမိန့်ပေးရင် ကိုယ်အမေကိုယ်သတ် ဆိုရင်လဲသတ်ရမှာဘဲဆိုတာမျိူးကို ကြံဖန်လိုက်နာစေတယ်။ ဗိုလ်သင်တန်းကျောင်းတွေမှာလဲ ဒီအတိုင်း ပါဘဲ။ဒုတိယနှစ်ကကောင်က ပထမနှစ်ကကောင်ကို ပက်ပက်စက်စက်နှိပ်ကွပ်ခွင့်ရှိတယ်။ နှိပ်ကွပ်လို့ သေသွားတာတွေလဲ အမှန်တကယ်ရှိတယ်။ မျက် နှာကြီးရာဟင်းဖတ်ပါဆိုတာတွေဟာ ဖြစ်ရိုးဖြစ်စဉ်တွေ လို့ဆိုကြပါတယ်။စစ်အာဏာရှင်စနစ်ဆိုတာ ဖက်ဆစ် ဝါဒကိုအခြေခံတည်ဆောက်တာဘဲဖြစ်ပါတယ်။ တပ်မတော်သည်အမိ တပ်မတော်သည်အဖဆိုတာမျိူး ကတော့ တကယ့်ဖက်ဆစ်ဝါဒရဲ့ အသွင်သဏ္ဍာ န်ဖြစ်တဲ့ ဖက်ဆစ်ယဉ်ကျေးမှုရဲ့ဇစ်မြစ်ပါဘဲ။ အားလုံးလိုလိုက Brainwash လုပ်ခံထားရတဲ့ နလပိန်းတွေ ဘဝကို ရောက်ကြရတာပါ။ စစ်ခေါင်းဆောင်တွေက စစ်တပ်ကိုပြန် မလှန်နိုင်အောင် ဥိးချိူးခဲ့တာပါ။ စနစ် တကျ စစ်တပ်တခုလုံး ဖက်ဆစ်တပ်ဖြစ်အောင် အစီအစဉ်ရှိရှိတည် ဆောက်ခဲ့ကြတာပါ။ ဝမ်းနည်းဘို့ လဲကောင်းသလို နှစ်မြောဘို့လဲကောင်းပါတယ်။တိုင်းပြည်အတွက်လဲ တကယ့်ဝန်ထုတ်ဝန်ပိုးဖြစ်ခဲ့တော့ တာပါဘဲ။

တပြိုင်နက်ထဲ ဘက်တဘက်ကရက်ရက်စက်စက် ပက်ပက်စက်စက်သတ်ဖြတ်နေကြသလို အခြားတ ဘက်ကလဲ လိမ်လည်လှည့်ဖျားတာတွေ ကောက်ကောက်ကျစ်ကျစ် ထောင်ခြောက်ဆင်တာတွေလုပ် လေ့ရှိကြတာ စစ်အုပ်စုအဆက်ဆက်ရဲ့မဟာဗျူဟာလို့ပြောရင်မှားမယ်မထင်ပါ။ ဒုတိယကမ္ဘာစစ် အ တွင်းက ဂျာမန်ဖက်ဆစ် အာဏာရှင်တွေနဲ့ ဆက်ဆံရေး၊ ပြည်တွင်းငြိမ်းချမ်းရေးကာလက ဗမာပြည်ဖက် ဆစ်စစ်အုပ်စုနဲ့ ဆက်ဆံရေး၊ နွေဦးတော်လှန်ရေးကာလမှာ ပြည်သူလူထုအပေါ်ဖက်ဆစ်စစ်တပ်ဆက် ဆံရေးတွေကို အပိုင်းလိုက်ခွဲခြား ရေးလိုပါတယ်။ ဒီအခြေအနေတွေပေါ်ကနေ ကျနော်တို့ နိဂုံးချူပ်နိုင်မှာ အ သေအချာဖြစ်ကြောင်းပါ။

ကိုအောင်မှိုင်း
သြဂုတ်လ ၁၂ရက် ၂၀၂၁ခုနှစ်။

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar