မိုးမခကဗျာ - မိုး သက် ငြိမ် ဦး " နွေဦးထဲ "
မိုးမခကဗျာ
သြဂုတ် ၂၆၊ ၂၀၂၁
နွေဦးထဲ
မိုး သက် ငြိမ် ဦး
ဒီနွေဦးဟာ
သေမထူးနေမထူးပဲ
ငါသေခဲ့ရင်ကောင်းနေသေးတဲ့
ငါ့ကိုယ်အင်္ဂါအစိတ်အပိုင်းတွေကိုလှူထားပြီးသား
လမ်းတွေပေါ်ကအရေးတော်ပုံလှုပ်ရှားမှုမှာ
ငါရှိနေမယ်
ဘဝဂ်တိုင်တဲ့ကြွေးကြော်သံတွေမှာ
ငါရှိနေမယ်
စစ်အာဏာရှင် အလိုမရှိလက်သီးလက်မောင်းတန်းရာမှာ
ငါရှိနေမယ်
ငါ့ဦးခေါင်းကိုသေနတ်နဲ့ပစ်လို့ရပေမယ့်
ငါ့အသိဉာဏ်ကိုနုတ်ယူလို့မရ
ငါ့လက်ရုံးကိုရိုက်ချိုးနိုင်ပေမယ့်
ငါ့ယုံကြည်ချက်ကိုဖျက်ဆီးလို့မရ
ငါ့အသံဟာ ငါ့အလံပဲ
နွေဦးထဲ
သွေးဟာ နီစွေးခဲ့
နွေဦးထဲ ဖူးဖို့ပွင့်ဖို့
နွေဦးထဲ ခူးဖို့ဆွတ်ဖို့
ငါသေရင်တောင် ကမ္ဘာမကြေဘူး
နွေဦးအရေးတော်ပုံ အောင်ရမည် ။ ။
3.3.2021
-
t.me@moemaka
#MoeMaKaMedia
#WhatsHappeningInMyanmar
Posts
