မိုးမခကဗျာ - မောင်လွမ်းဏီ '' လက်သုံးချောင်းရဲ့ ဒိုင်ယာရီ ''
မိုးမခကဗျာ
စက်တင်ဘာ ၁၆၊ ၂၀၂၁
'' လက်သုံးချောင်းရဲ့ ဒိုင်ယာရီ ''
မောင်လွမ်းဏီ
ကြယ်တွေကြွေတိုင်း
ပန်းရိုင်းမြေမှာ
ကဗျာတောထ၊ ထိရှတောင်တန်း
လွတ်မြောက်လမ်းပေါ် မိုးတိမ်ပြို။
ကျည်တတောင့်က လက်ဖြောင့်သူရဲ
မြားတစင်းလည်း စစ်မြင်းပဲလေ
တူမီးမောင်းတင် ရင်နဲ့ချိန်ဆ
လက်တချက်ကွေး
ရေးရေးမြင်စ အနာဂတ်ပေါ့။
နီရဲလက်ပတ် ၊ မခြောက်ကပ်သွေး
မတိတ်သေးဘူး၊ နွေဦးလုလင်
လက်ဆောင်ပေးခဲ့တောပန်းဖြူစင်။
သား …..
သမဂ္ဂစိတ်ဓာတ်က ပြောထားတာ
ရန် ငါ မပြတ်ရင်
သံသရာ တပတ်လည်သွားမှာ။
၁၄ စက်တင်ဘာ ၂၀၂၁
-
t.me@moemaka
#MoeMaKaMedia
#WhatsHappeningInMyanmar
Posts
