မိုးမခကဗျာ - ဟာရှိန်း '' အိပ်မက်ထဲအထိလိုက်တွယ်တဲ့ကျွတ်တွေ ''
Art Ma Naw
မိုးမခကဗျာအောက်တိုဘာ ၃၊ ၂၀၂၁
'' အိပ်မက်ထဲအထိလိုက်တွယ်တဲ့ကျွတ်တွေ ''
ဟာရှိန်း
ညစ်ပတ်တဲ့မြေပြင်အတွက် တိမ်တွေမကြာမကြာခြေလက်မျက်နှာဆေးကြောသလား။
ခေတ်မကောင်းရင် ရောဂါထူတယ်၊အသီးအနှံပျက်တယ်
မိုးလေခြောက်ခြားတယ်။ ချစ်ဖို့ကောင်းနေတာတခုက လူ့စည်းဘီလူးစည်းခွဲလို့ရသွားတာ။
ခေတ်မကောင်းရင် လွမ်းရတာလည်းမချိုဘူး။ ချစ်ရတာလည်းမမြိန်ဘူး။
ပျော်ရွှင်ခြင်းတံဆိပ်ကပ်ထားတဲ့လူငယ်တွေရဲ့အနာဂတ်တွေဘယ်မှာလဲ။
တချို့ကခက်တယ်။ သောက်ကျင့်သာမကောင်းတာ ဖောင်တိန်က နှစ်တိန်နဲ့။
ငါပြန်လာတဲ့အခါ မင်းမျက်ဝန်းထဲကမီးတောက်တွေကို ငြိမ်းသတ်ပေးပါ့မယ်အချစ်။
၂၈၊စက်တင်ဘာ၊၂၀၂၁။
-
t.me@moemaka
#MoeMaKaMedia
#WhatsHappeningInMyanmar
Posts
