ရဲရင့်သက်ဇွဲ - ဘယ်သူ့ကြောင့်လို့ မင်းထင်သလဲ

ရဲရင့်သက်ဇွဲ - ဘယ်သူ့ကြောင့်လို့ မင်းထင်သလဲ

(မိုးမခကဗျာ) အောက်တိုဘာ ၂၅၊ ၂၀၂၁

 

ဟောသည်ကမ္ဘာမှာ

တရားမှုနဲ့ မတရားမှု

ဓမ္မနဲ့အဓမ္မ အားပြိုင်မှုတွေမှာ

တရားမှုနဲ့ ဓမ္မသာလျှင်

အောင်နိုင်ရတယ်။

ငါတို့မြန်မာပြည်မှာ

တရားမှုနဲ့ဓမ္မတို့ရဲ့ပြယုဂ်

နွေဦးတော်လှန်ရေးအလုပ်ဟာ

တရားသောစစ်

တော်လှန်စစ် ခုခံစစ်

အောင်ကို အောင်ရမည်။

                                                                                                                                                                                                                                               

“အို….. ဘုရားသခင်…..

လူပေါင်းများစွာ သေကြရတယ်

ကိုဗစ်ကြောင့်မဟုတ်

စစ်အုပ်စုကြောင့်သာဖြစ်တယ်…..

လူပေါင်းများစွာ ဒုက္ခနဲ့ကြုံရတယ်

အငတ်ဘေးကြောင့်မဟုတ်

စစ်အုပ်စုကြောင့်သာဖြစ်တယ်…..

လူပေါင်းများစွာ ဒုက္ခတွင်းထဲမှာ

ထပ်ပြီးတော့ အသက်ဆုံးရှုံးရဦးမယ်

ပြည်တွင်းစစ်ကြောင့်မဟုတ်

စစ်အုပ်စုကြောင့်သာဖြစ်တယ်…..

စစ်အုပ်စုကြောင့်သာဖြစ်တယ်…..

စစ်အုပ်စုကြောင့်သာဖြစ်တယ်…..

စစ်အုပ်စုကြောင့်သာဖြစ်တယ်…..

အို….. ဘုရားသခင်…..

ရက်စက်ယုတ်မာသော

နှလုံးသားရှိသူတို့၏သက်တမ်းကား ရှည်လျားလွန်းလှ၏…..။

ဖြူစင်ရိုးသားသော

အပြစ်မဲ့ပြည်သူတို့၏သက်တမ်းကား

တိုတောင်းလှချေ၏……။

တရားသဖြင့် မျှတသောစီမံမှုကို ပေးတော်မူပါ…..

စစ်အုပ်စုကျဆုံးပါစေ…..

ပြည်သူလူထု လွတ်မြောက်ပါစေ…..။

ရဲရင့်သက်ဇွဲ

၂၄၊ ၁၀၊ ၂၀၂၁

Join Us @ MoeMaKa Telegram

t.me@moemaka

#MoeMaKaMedia

#WhatsHappeningInMyanmar