ကျော်ဟုန်း - နွေဦးတော်လှန်ရေး
(မိုးမခ) ဒီဇင်ဘာ ၂၀၊ ၂၀၂၁
အမည်းရောင်လွှမ်းခံထားရတဲ့
ငါတို့ ဝမ်းနည်းမှုတွေဟာ
ဖြူစင်လွန်းခဲ့ပါတယ်။
အနီရောင်ဖုံးလွှမ်းနေတဲ့
မျှော်လင့်ချက်အတွင်းသားဟာ
ဖြူစင်လွန်းဆဲပါပဲ။
နွေဦးဟာ
အဖြူထည်နဲ့ ဖြစ်တည်တယ်။
မယုံရင်
အသက်ပေးသွားတဲ့
သူရဲကောင်းတို့ သွေးတွေကို
ဓာတ်ခွဲကြည့်။
ကျော်ဟုန်း
၂၀၂၁၁၂၁၈
t.me@moemaka
#MoeMaKaMedia
#WhatsHappeningInMyanmar
.png)
Posts
