ပီတာဂလန့် - ပုတင်စားမိ​သော ပုကျယ်ဂျင်း

ပီတာဂလန့် - ပုတင်စားမိ​သော ပုကျယ်ဂျင်း

(မိုးမခ) မတ် ၁၄၊ ၂၀၂၂

ယူကရိန်းနဲ့ ရုရှားကိစ္စမယ် အဓိက အခရာကျသူကို ကမ္ဘာကြီးက ​မေ့ထားပုံရတယ်။ ဒီကိစ္စ စတည်တာက လွန်ခဲ့တဲ့ ၇ လ​ကျော်​လောက်ကပါ။ ခင်ဗျားတို့မှတ်မိကြမလား မဆိုနိုင်ဘူး။ မြန်မာ့နွေဦး​တော်လှန်​ရေး အရှိန်အဟုန်ပြင်းထန်ချိန် ၂၀၂၁ ဇွန်လတုန်းက မအလပုကျယ် ရုရှားသွားခဲ့တာကို ​ပြောရင် ​ရေး​တေး​တေး အမှတ်ရလာကြလိမ့်မယ်။ အများစုထင်တာက မြန်မာပြည်သူ​တွေကိုသတ်ဖို့ လက်နက်သွားဝယ်တာ​လောက်ပဲရှိမယ်ထင်တယ်။ 

မတ်လကုန်​လောက်ကစပြီး လက်နက်မဲ့ ဆန္ဒပြ​​နေကြတဲ့ ပြည်သူလူထုကြီးကို ရက်ရက်စက်စက် သတ်ဖြတ်ပြရဲခဲ့တဲ့ အာဏာသိမ်းမအလဖက်ဆစ်အုပ်စုရဲ့ လုပ်ရပ်ကို ဗလာဒီမီယာပုတင်က ကြိတ်​ကြွေ​နေတာကလား။ ဒါ​ကြောင့် မအလပုကျယ် ရုရှားသွားတာကို လက်နက်ဝယ်ရုံ​​လောက်ပဲ သတင်းလွှင့်ထားခဲ့တာ ဖြစ်တယ်။ ဗလာဒီမီယာပုတင်ဟာ မအလပုကျယ်ကို တိတ်တိတ်ခိုး​တွေ့ရတယ်ဆို ပိုမှန်မယ်လို့ ယူရလိမ့်မယ်။ 

"ချစမ်းပါ ကိုပုတင်ရယ်၊ ခင်ဗျားတို့ ကရိုင်းမီးယားလည်း သိမ်းထားနိုင်ပြီပဲ၊ ယူကရိန်း​ကိုပါ ခင်ဗျားဆွဲစိထားသင့်တယ်"

မအလပုကျယ်က ပုတင်ကို အဲသလို အကြံ​ဉာဏ်လိုလိုနဲ့ ဘလိုင်းကြီး​မြှောက်ပင့်ပေးတယ်။ သည်​တော့ ပုတင်က မ​နော​​တွေခွေ့ပြီး

"အ​မေရိကန်နဲ့ ​​နေတိုးအဖွဲ့က ယူကရိန်းဘက်ကဝင်ကူကြရင် ကိုပုကျယ်ရဲ့လပ်တီးကြီးက ကျုပ်ဘက်က ဝင်ကူတိုက်​ပေးနိုင်မလား" လို့ ပြန်​မေးတယ်။ 

အဲသမှာ သူ့အကွက်ထဲဆိုက်လာပြီဖြစ်လို့ မအလပုကျယ်က "ကျုပ်ဝင်ကူမယ်၊ တစ်ခုရှိတာက ​လော​လောဆယ် ကျုပ်ပြည်သူ​တွေကို ကမ္ဘာ​ပေါ်မှာမရှိ​သေးတဲ့ ဖက်ဆစ်နည်းမျိုးနဲ့သတ်ပြဖို့ လက်နက်နဲ့တိုက်​လေယာဥ်လို​နေတယ်။ အဲဒါ ခင်ဗျားက ကျုပ်ကိုအ​ကြွေး​ရောင်း​ပေး" လို့ ​ပြောလာတယ်။ အဲဒီ​တော့ ​ငွေရဖို့ပဲအာရုံရှိတဲ့ ပုတင်ဟာ နည်းနည်း​တွေသွားတယ်။ ဒါကို မအလပုကျယ်က ချက်ချင်းဓာတ်​ပေါက်လိုက်တယ်။

ကြောင်​ချေးလို့နာမည်​ပြောင်ရပြီး စကား​ပြောရင် တည်တည်တံ့တံ့ မ​ပြောတတ်ဘဲ ​ဘူးလုံးနားမထွင်း​လေနဲ့ ပြောင်​ချော်​ချော်ပုံစံမျိုးသာ​ပြောတတ်တဲ့ မအလပုကျယ်ဟာ သူ့ခွင်အတွက်ဆို အင်မတန်အကင်းပါးပါတယ်။ 

"ပိုက်ဆံအတွက်က မပူနဲ့ကိုပုတင်၊ ခင်ဗျားတို့ နိုင်ငံတကာသွားသင်္ဘော​တွေကို ကျုပ်ရဲ့ပင်လယ်ဆိပ်ကမ်း​တွေမှာ ဆိုက်ကပ်ခွင့်​ပေးမယ်။ အဲသည်စရိတ်ထဲက အရစ်ကျဖြတ်ယူဗျာ"

သည်မှာ ဗလာဒီမီယာပုတင်လည်း သ​ဘော​တော်ကျပြီး မအလပုကျယ်နဲ့ သ​ဘောတူစာချုပ်​တွေ ချုပ်လိုက်ကြတယ်။ ခင်ဗျားတို့​တွေ​တောင် သတင်းမီဒီယာ​တွေမှာ မအလပုကျယ် ရုရှားသွားတဲ့ပုံ​တွေကြည့်ပြီး မအလပုကျယ်ဟာ ပုတင်နဲ့​တောင် ​တွေ့ခွင့်ရတဲ့အဆင့်မဟုတ်ပါဘူး ဘာညာလိုက်​ပြောမိကြ​သေးတယ် မဟုတ်လား။

အမှန်တကယ်က မအလပုကျယ်ဟာ ပုတင်ကို ဂျင်းထည့်​ပေးလိုက်တာ ဖြစ်ပါတယ်။ မြန်မာပြည်သူ​​တွေအ​ပေါ် ယုတ်ကန်း​နေတဲ့ မအလပုကျယ်အ​ပေါ် ကမ္ဘာ့နိုင်ငံတွေ ပိုမိုအာရုံစိုက်​လာနေချိန်မှာ ကွက်စတိပဲ ယူကရိန်း-ရုရှား ထိပ်တိုက်​တွေ့မှုက ​ပေါ်လာတယ်။ အခုပဲကြည့်​လေ ချ​ကြတော့မလား ချကြ​တော့မလားနဲ့ အ​မေရိကန်နဲ့အ​ပေါင်းပါ ​နေတိုးအဖွဲ့တို့ တာဆူပြနေကြပြီ​လေ။ ကမ္ဘာကြီးတစ်ခုလုံးလည်း တတိယကမ္ဘာစစ်ဖြစ်​တော့မလားဆိုတဲ့ ကံ​ကောင်းချင်စိတ်နဲ့ ရင်တမမ ဖြစ်​နေကြပြီ။ (တချို့က ​ပြော​နေကြတယ်၊ တတိယကမ္ဘာစစ်ဖြစ်ရင် ကမ္ဘာ​ပေါ်မှာ ​စတုတ္ထကမ္ဘာစစ်ဆိုတာ မရှိနိုင်​တော့ဘူး၊ လူ​တွေအားလုံး တတိယကမ္ဘာစစ်နဲ့အတူ ​သေဆုံးကုန်ကြပြီး လူတစ်​ယောက်မှမကျန်နိုင်​တော့လို့တဲ့)။ ဆို​တော့ အ​ခြေအ​နေအရပ်ရပ်က ယူကရိန်း-ရုရှားဘက်လှည့် မြန်မာနိုင်ငံအ​ပေါ် အာရုံ​စိုက်မှု​တွေ လျော့သလို​ဖြစ်သွားရင် မအလပုကျယ်ဟာ သူ့စိတ်ကြိုက် ပြည်သူ​တွေကို ဝိုက်​တော့မှာ မဟုတ်လား။

မြန်မာပြည်မှာ​လည်း မအလပုကျယ်က အာဆီယံကိုယ်စားလှယ်လာရင် သက်​သေခံပြဖို့ ထာဝရငြိမ်းချမ်း​ရေး​စေတီ၊ အဲ​လေ ထာဝရငြိမ်းချမ်း​ရေးညီလာခံကြီးကို နှစ်ယောက်နဲ့တစ်ပိုင်း​​လောက်ရှိမယ့်အဖွဲ့​တွေနဲ့ ဟန်​ဆောင်ပန်​ဆောင်​လုပ်ပြထားပြီးပြီ​။ က​မ္ဘောဒီယားမှာလည်း မကြာမီ အာဆီယံအစည်းအ​ဝေးကလည်း စ​တော့မယ်။ 

အ​ခြေအ​နေ​တွေအားလုံးက အို​ကေကွက်စတိချည့်ပဲ။ ခတ်မယ့်ကျွဲလို မအလပုကျယ်လည်း ​နေ​သေးသပ ချို​သွေးတမြမြ လုပ်​နေတာ​ပေါ့။ ဒါ​ပေမဲ့ မအလ​ပုကျယ်တွေးပူ​​နေရတဲ့ အိပ်မရ​အောင်ဖြစ်​နေတဲ့ "အပူအကြီးကြီး" က ရှိ​လာပြီ။ 

အဲဒါကဘာလဲဆို​တော့ ...

ယူကရိန်းကို ရုရှားက ဝင်တိုက်၊ အ​မေရိကန်တို့ ​နေတိုးတို့က ယူကရိန်းဘက်က ဝင်တိုက်၊ တရုတ်ကလည်း ရုရှားဘက်ဝင်လာ။ အဲသမှာ ပူတင်က မအလတပ်​တွေလွှတ်​ပေးဖို့​တောင်း​ရင် မအလ ခွကျပြီ။ ချင်းနဲ့စစ်ကိုင်းဘက်မှာ တူမီး​​လောက်ကို​​တောင် မနိုင်နိုင်လို့ ​လေ​ကြောင်းနဲ့ သွားသွားယုတ်မာ​နေရတဲ့ အ​ခြေအ​နေမဟုတ်လား။ တိုင်းရင်းသားတပ်​တွေနဲ့ ပီဒီအက်ဖ်​တွေ ​ပေါင်းမိချိန်ကျမှ ပုတင်က လှမ်းပြီး မအလပုကျယ် မင်းရဲ့ လပ်တီး​တွေ လွှတ်​ပေး​​တော့လို့ ​ပြောပြီဆိုရင် သူ့မှာရှိတဲ့လပ်တီးအင်အားနဲ့ မအလ​ပုကျယ်တော့ အကြီးအကျယ်ဂွမ်းပြီ။ အခုဆိုရင် ရုရှားက သူ့သြဇာမကင်းတဲ့နိုင်ငံ​တွေဆီကို စစ်ကူ​ပေးဖို့ ​တောင်း​နေပြီ။ ပုကျယ်တစ်​ယောက် ​မျောက်မီးခဲကိုင်ထားမိသလို "ဂျွတ်" ​နေပြီ။ ​

မြောက်ကိုရီးယားက တူး​ပေးထားတဲ့ လိုဏ်​ခေါင်းထဲ ဝင်ပုန်း​နေရမလား၊ သူ့လပ်တီးကြီးနဲ့အတူ ရုရှားပဲလိုက်​ပါပြေးရမလား။ မအလပုကျယ် အရူးမီးဝိုင်း​နေမယ့်ပုံကိုတော့ ပိတ်ကား​ပေါ်မှာ ဆက်လက်ရှုစားကြပါကုန်။

ပီတာဂလန့် 

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar