စိုးလူမောင် - " စည်း "
စိုးလူမောင်
(မိုးမခ) ဧပြီ ၂၃၊ ၂၀၂၂
ငါနဲ့ပေါင်းရင်ရန်သူ
မင်းနဲ့ပေါင်းရင်မိတ်ဆွေ
မင်းနဲ့ပေါင်းရင်ရန်သူ
ငါနဲ့ပေါင်းရင်မိတ်ဆွေ ။
ဘယ်သူ့အလုပ် ဘယ်သူလုပ်ခဲ့ပါသလဲ
လူ့အလုပ်လူလုပ်
ခွေးအလုပ်ခွေးလုပ်
မိတ်ဆွေအလုပ် မိတ်ဆွေလုပ်
ရန်သူ့အလုပ် ရန်သူလုပ် ။
ရန် နဲ့ ငါ
ငါ နဲ့ ရန်
ရန်သူဟာ ရန်သူ
မိတ်ဆွေဟာ မိတ်ဆွေ
စိတ်ပြေ၊ ဖြန်ဖြေစရာစကားနတ္တိ
အသိ၊ ပကတိ
အမှန်တရားကြားမရှိ ။ ။
-
t.me@moemaka
#MoeMaKaMedia
#WhatsHappeningInMyanmar