လင်းနွေးအိမ် - ပင်လယ်ရဲ့တဖက်ကမ်း
လင်းနွေးအိမ်
(မိုးမခ) ဧပြီ ၄၊ ၂၀၂၂
ပင်လယ်ကို
ကုန်းမြေကပဲအနားသတ်ထားတယ်။
ညီမလေးရေ
လူတွေ
ခက်ခဲနေတယ်ဆိုတာ
တော်ရုံခက်ခဲခြင်းမဟုတ်တာ
စကြဝဠာသောင်းတိုက်သိတယ်။
လှောင်ချိုင့်ထဲကကျားဟာ
အစာလာကြွေးတဲ့သူရဲ့လက်ထဲကအသားထက်
အစာလာကြွေးတဲ့သူကိုစားချင်နေတဲ့
ဆာလောင်မှုမျိုးနဲ့ဆိုတာမျိုး။
ပင်လယ်ကြီးရဲ့တဖက်ဟာ
ကမ်းခြေပါ
ခြောက်ကမ်းပါးကြီးမဟုတ်ပါဘူး
ညီမလေးရေ။
ကူးနေသမျှ
ကမ်းခြေက ရင်ဖွင့်ကြိုနေပါလိမ့်မယ်။
ဧပြီ ၄ ရက် ၂၀၂၂
t.me@moemaka
#MoeMaKaMedia
#WhatsHappeningInMyanmar
Posts
