ညိုထက်ညို - ငါ့ကိုယ်ငါ ဖဲ့စားမိတဲ့ နေ့တွေ
ငါ့ကိုယ်ငါ ဖဲ့စားမိတဲ့ နေ့တွေ
ညိုထက်ညို
(မိုးမခ) ဩဂုတ် ၃၁၊ ၂၀၂၂
မျက်မှန်းတမ်းမိလာတာက
ဝယ်လိုအားတွေ စွတ်တက်လာတဲ့
ဒဏ်ရာနဲ့ နေ့တွေ။
အရှင်လတ်လတ် ကြီးပဲ
ချိန်တွယ်ပြီး ခုတ်ထစ်ခံရ
အမှန်တရား ကို လက်နက်တပ်ဆင်ပေးဖို့ ကောင်းပါကြောင်း
အပုပ်နံ့တွေ တထောင်းထောင်း နဲ့ တောင်းဆုခြွေ
ဇာတာအရတော့
ငါတို့အားလုံး ပုတိဖွားတွေ။
လေးညှို့ကိုဆင်
လေးညှို့ငင်ခဲ့
နွေအငွေ့နဲ့
ငါတွေ့ခဲ့ရာ
မီးလျှံတွေနဲ့ က တဲ့အခန်း
ငါ့အတွက်တော့ မဆန်းကြယ်။
ဒီလိုပါ
ကြယ်ကလေးပါ
ရဲဘော်တူမီးပါ
တခါခုန်ရင် ကမ္ဘာတုန်ချင် သူပါ
ကိုယ်နဲ့ရင်းပြီးတော့
ပထမဆုံး အမြောက်တီထွင်သူပါ
မနက်ဖြန် မရှိလို့
မနက်ဖြန် ရှာကြည့်မိသူပါ။
တခါတလေတော့လည်း
အထက်တန်းကျကြည့်ချင်သေးတဲ့
၅/ အရပ်က ကောင်မလေးရေ
လည်ပင်းက ကြိုးက တင်းနေတဲ့ကြားက
လက်မှတ်နေရာမှာ ကြက်ခြေခတ်ခဲ့ပါတယ်ကွယ်။ ။
-
t.me@moemaka
#MoeMaKaMedia
#WhatsHappeningInMyanmar
Posts
