ရန်လင်းအောင် - သီတင်းကျွတ်ပြီလား

သီတင်းကျွတ်ပြီလား

ရန်လင်းအောင်

(မိုးမခ) အောက်တိုဘာ ၉၊ ၂၀၂၂

ဘဝတွေ

သွေးတွေ ရင်းခဲ့ပြီးပြီ

သားတွေ ရင်းခဲ့ပြီးပြီ

သမီးတွေ ရင်းခဲ့ပြီးပြီ

အမေတွေ အဖေတွေလည်း

ရင်းခဲ့ရပေါင်းများလှပြီ -

ကန်တော့သူမဲ့ ဖေဖေမေမေများ -

အကန်တော့ခံမဲ့ သားသားမီးမီးများ -

လက်အုပ်မချီနိုင်သေးလို့

လက်နက်ကိုင်နေရ -

ဆုမပေးနိုင်သေးလို့

ကျိန်စာတိုက်နေရ -

ဘဝအားဖြင့် ပူဇော်ပြီးပြီပဲ

အသက်သွေးဖြင့် ပူဇော်ပြီးပြီပဲ

တို့သွေးတို့သားဖြင့်

အရင်းပြုခဲ့တာမှန်ပါသည် 

ဝဋ်မီးများလည်းမြန်မြန်ငြိမ်းပါစေ

ဆီမီးရောင်ရှိန် ထိန်ထိန်လင်းပါစေ ။

၇.၁၀.၂၀၂၂

-

Join Us @ MoeMaKa Telegram

t.me@moemaka

#MoeMaKaMedia

#WhatsHappeningInMyanmar