အရေးတော်ပုံ ဘိုးသီ - မတားနဲ့ ထားခဲ့
မတားနဲ့ ထားခဲ့
အရေးတော်ပုံ ဘိုးသီ
(မိုးမခ) မတ် ၁၆၊ ၂၀၂၃
လက်ရှိ အခြေအနေကတော့
တသမ်းသမ်းတဝေဝေ မဖြစ်အောင်
ပွဲတော်တွေကျင်းပပေးနေတာပါ ။
ထွေရာသောင်းပြောင်း
ကျွန်ုပ်တို့ရဲ့ အဆွေ အမျိုး အပေါင်း ဆိုတာကလည်း
ခပ်ဆိုးဆိုး ခွေးတိရိစ္ဆာန်စရိုက်ကို လိုက်
ခပ်မိုက်မိုက် ပျော်ရွှင်မှုမျိုးကိုမှ ကြိုက်ကြသူတွေမဟုတ်လား
ဒီတော့ ....
ပျော်တာပေါ့ အမေရယ် ဆိုသလို ပေါ့ ။
မတား နဲ့ ....
မတား နဲ့ ....
မ တ ား နဲ့ ....
တရား မဲ့ သကွဲ့ ဆိုပြီး
ဘယ်ပျော်ရွှင်မှုကိုမှ
ခုအချိန်မှာ သွား ....မတားလေနဲ့
အဝီစိ ဇောက်ထိုးကျသွားမယ်ဟဲ့ဆိုရင်လည်း
ပျော်လို့သွား ကြတာတဲ့ ။
သွားကြပါစေလေ
မတားနဲ့ ....
မတားနဲ့ ...
မတားနဲ့ ...
ကိုယ့်ကျင်း ကိုယ်ဖောက်ပြီး
ဟိုး ... အဝီစိ မှာ
ကေ တီ ဗွီ ဆောက်
ဂေါက်ကွင်းတည်ချင်တဲ့ သူတွေ
သူ့အကုသိုလ်စရိတ် နဲ့ သူ သွားမှာ မို့
မတားနဲ့ ထားခဲ့ ။ ။
11/3/2023.
-
t.me@moemaka
#MoeMaKaMedia
#WhatsHappeningInMyanmar
Posts
