ဝါကျဖြူ - သက်ပြင်းဝင်ရိုးများ

သက်ပြင်းဝင်ရိုးများ

ဝါကျဖြူ

(မိုးမခ) ဇူလိုင် ၁၄၊ ၂၀၂၃

ငါငေးကြည့်နေမိတဲ့တိမ်တွေထဲမှာ

အိပ်ရာဝင်ပုံပြင်တွေဇောက်ထိုးလိမ့်ကျလို့ ။

အရိုးချောင်းတွေအပြိုင်းပြိုင်းထနေတဲ့ပင်လယ်ဟာညနေခင်းနေလုံးကိုထမ်းပိုးလို့ ။

ခေတ်ကြီးတခုလုံးကိုရင်ဘတ်ထဲထည့်ထားတဲ့သစ်ပင်တွေသံသရာစက်ဝိုင်းထဲမှာ

လက်ပြန်ကြိုးတုတ်နှောင်ခံထားရဆဲ ။

ငါငေးကြည့်နေမိတဲ့...

လူဖြစ်တည်မှုထဲကိုပြူတင်ပေါက်ဖွင့်ပြီးဘဝပေါ်ထိုင်ပြီးငေးကြည့်နေမိတဲ့

နာရီစင်ထိပ်ကလေညွှန်တံမှာမျက်ရည်စတွေသီးလို့။

အပွင့်အခက်တွေဝေဆာလို့။

တစ္ဆေသင်္ဘာပေါ်ကအစားအသောက်တွေက

လောက်တွေတဖွားဖွားနဲ့ပေါ့။

19/6/23

t.me@moemaka

#MoeMaKaMedia

#WhatsHappeningInMyanmar

ကြော်ငြာရန်