မင်းငြိမ်းအေး - နွေဦး
နွေဦး
မင်းငြိမ်းအေး
(မိုးမခ) မတ် ၂၉၊ ၂၀၂၄
ဘာအရောင်မှမရှိရင်
အဖြူလို့
လက်ခံရမှာလား။
No white and black
In blue.(Japan rock band)
မှားသင့်သလောက်မှားနိုင်တယ်
မှန်သင့်သလောက်မှန်နိုင်တယ်။
ဒီလော့ဂျစ်နဲ့
ငါက၊ အလာဂျီရှိတယ်။
ထားပါ
ငါပြန်ဆက်ချင်တဲ့အကိုင်းထဲ
မင်းရှိပါစေ
ထို့အတူ
ရခဲ့တဲ့ဘဝချင်း
ငါလည်း၊နားလည်နိုင်ပါစေ။
နိုင်ငံရေးဆိုတာ
သွေးမထွက်တဲ့စစ်ပွဲမဟုတ်ဘူး
ဘယ်တော့မှသွေးမတိတ်တဲ့
လူကီးမီးယားရောဂါ။
မင်းလည်း
ယာခရိုးမှာတော့
ဗိုလ်ပေါ့
ဗိုလ်ဝံခံပါ။
လူတစ်ယောက်မှာ
ဓားတစ်လက်ရှိရင်
ရာဇဝင်လည်းရှိတာပေါ့။
ငါကတော့
တိတ်တိတ်လေးကြွေတယ်
မင်းသုဝဏ်ကဗျာထဲကလို
ရွှေကြောင်ဖား
မြီးဖျားမဝိုက်ချင်တော့လို့။
-
t.me@moemaka
#MoeMaKaMedia
#WhatsHappeningInMyanmar
Posts
