စိုးရိမ် - တရား
တရား
စိုးရိမ်
(မိုးမခ) ဧပြီ ၂၆၊ ၂၀၂၄
အဝေးပြေးလမ်းမကြီးတစ်ခုရဲ့ရင်ထဲမှာလဲ
သိုဝှက်ထားတဲ့စကားလုံးတွေရှိမှာပေါ့
ဘီးချော်ပြီးပွတ်တိုက်သွားတဲ့အသံ
လေထဲကိုခုန်တက်ပြီးသုံးလေးပတ်လွင့်သွားတဲ့ကား
နာကျင်ငြီးတွားသံ သီချင်းသံပြိုင်သီဆိုသွားတဲ့အသံ
သူ့ရင်ဘတ်ကိုစွန်းပေစေတဲ့သွေးများ
ပြုတ်ကျလာတဲ့လက်တစ်ဘက် မျက်လုံး ဦးနှောက်
ဘီယာဘူးခွံများ အမှိုက်များ
မရဲတရဲအနမ်းများ
လမ်ဘေးတစ်နေရာကရမ္မက်သံညံနေတဲ့ကား
တစ်စီးနဲ့တစ်စီးထိပ်တိုက်တွေ့ဆုံမှုများ
သူ့အမြင်က
လူဆိုတာ အသက်ဓာတ်မရှိတော့တဲ့အခါ
သံပတ်ကုန်သွားတဲ့ကစားစရာအဖြစ်မျှသာ...။
-
t.me@moemaka
#MoeMaKaMedia
#WhatsHappeningInMyanmar
Posts
