မနအ - ရုပ်သေးကြိုး
ရုပ်သေးကြိုး
မနအ
(မိုးမခ) ဇူလိုင် ၃၀၊ ၂၀၂၄
သဲတစ်ပုံ ကျုံး
ရေတစ်ပုံး ခပ်
ငါ ငြိမ်းသတ်နိုင်တယ်ဆိုတဲ့ အချိုးနဲ့
အဲဒီ မီးကို ပျိုးခဲ့တယ်
ငါ ငြိမ်းသတ်နိုင်တယ်ဆိုတဲ့ ဂိုက်နဲ့
အဲ့ဒီ မီးကို မြှိုက်ခဲ့တယ် ။
ငါ ငြိမ်းသတ်နိုင်တယ်ဆိုတဲ့ အတွေးနဲ့နဲ့ နဲ့
အဲ့ဒီ မီးကို မွေးခဲ့တယ် ။
မီးခိုးအူစ
ပြုံးစစ၊ ထီမထင်
ဘဝင်အညစ်နဲ့ ကျစ်တဲ့ကြိုး ကိုးစားတယ် ။
မီးက ကူးစက်
သဲ နဲ့ ပက်တော့
မသန့်တဲ့ လက်ထဲ
သဲက သစ်ဆွေးဖြစ်သွားတယ်
မီးက လောင်ကျွမ်း
ရေ နဲ့ ဖျန်းတော့
ရေက ဆီထွေးဖြစ်သွားတယ် ။ ။
၂၉ ဇူလိုင် ၂၀၂၄
-
t.me@moemaka
#MoeMaKaMedia
#WhatsHappeningInMyanmar
Posts
