ဆက်ဝေမိုး - ကွက်လပ်ကြီးတခုနဲ့ ပြည့်နှက်နေတဲ့ ရင်ဘတ်

(မိုးမခ) ဖေဖော်ဝါရီ ၁၀ ၊ ၂၀၂၅

ကာလယန္တရားထဲကနေ

ဆယ်စုနှစ်တခုကို လှီးထုတ်ထားလိုက်တယ်။

ထာဝရ ဆိုတဲ့ အရာထဲကနေ

ခွဲခွာခြင်းတခုကို လှီးထုတ်ထားလိုက်တယ်။

ဖြစ်စဉ်တခုထဲကနေ

အတိတ်တခုကို လှီးထုတ်ထားလိုက်တယ်။

ပြက္ခဒိန်တခုထဲကနေ

ရက်စွဲတခုကို လှီးထုတ်ထားလိုက်တယ်၊

နာမည်တခု၊ မျက်နှာတခုပါတဲ့ စာမျက်နှာတိုင်းကို

ကျော် ကျော်ဖတ်နေရတဲ့ ဘဝကြီးတခုလုံး

ကိုယ့်ရင်ဘတ်ထဲ ကိုယ် ပြန်ကျွံကျသွားလိုက်တာ

အနက်ရှိုင်းဆုံးအထိ။ ။

ဆက်ဝေမိုး

၈.၂.၂၀၂၅

ကြော်ငြာရန်