ဟာရှိန်း - ပဲ့ကြွေ
ပဲ့ကြွေ
ဟာရှိန်း
(မိုးမခ) မတ် ၂၀၊ ၂၀၂၆
မိအိုဖအိုတွေက
ရွှေထမ်းလာမယ့် လမ်းကိုမျှော်လို့။
ချစ်သူ ခင်သူတွေက
သပြေညိုတွေ ချိုးလို့။
ညီငယ်နှမငယ်တွေက
စွန့်စားခန်းဇာတ်လမ်းတွေ အိပ်ရာဝင်နားထောင်မလို့။
အကိုကြီး အမကြီးတွေက
ခေတ်ဟောင်းပုံပြင်တွေကြား ကျေနပ်စွာပြုံးမလို့။
တောင်တန်းတွေကတော့
ရှေ့ကို မျှော်မှန်းလို့တဲ့။
လမ်းဟာ ကွေးကောက်
မြစ်ဟာ ကွေ့ကောက်
တိမ်ဟာ တွန့်ခေါက်
အခုရွာနေတာ အငွေ့ပျံ အသက်မျက်ရည်တွေ။
မျှော်နေသူအားလုံး
မင့်အတွေ့ကို ကိုယ်စီကြုံခဲ့ကြရပုံပါပဲ။
မတ်ချ်၊၂၀၂၆။
-
t.me@moemaka
Zelle to moemaka.org@gmail.com "MoeMaKa Multimedia"
youtube.com/@moemaka
X.com/MoeMaKa
#MoeMaKaMedia
#WhatsHappeningInMyanmar
Posts
