စိုးနောင်(မုံရွာ) - ကပ်တွေကပ်လာပြီ
ကပ်တွေကပ်လာပြီ
စိုးနောင်(မုံရွာ)
(မိုးမခ) မတ် ၂၉၊ ၂၀၂၀
ဝိသမလောဘတွေကို
lock down ချထားရအောင်။
အတ္တတွေကို
quaratine လုပ်ထားရအောင်။
စေတနာကို
ဂျူတီကုတ်ဖြူလေးဝတ်ပေးလိုက်တော့
အဖြူရောင်ဆရာဝန်လေးဖြစ်လာတယ်။
မေတ္တာကို
ထဘီနီလေးဝတ်ပေးလိုက်တော့
ရဲရင့်တဲ့သူနာပြုလေးဖြစ်လာတယ်။
သစ်တောတွေဟာ
ကမ္ဘာရဲ့အဆုတ်ဆိုတော့
လူတွေဟာ
ကမ္ဘာအတွက် COVID_19တွေမို့လား။
စစ်နဲ့ပေနေတဲ့ကမ္ဘာရဲ့လက်ကို
ငြိမ်းချမ်းရေးရေနဲ့ဆေးနိုင်ဖို့
ငါတို့နှလုံးသားဟာ
ငြိမ်းချမ်းရေးရေတွင်းတွေဖြစ်ကြမယ်။
ကပ်တွေကပ်လာပြီ
ကပ်တွေမကပ်နိုင်ဖို့။ ။