ကိုသန်းလွင် - ဥရောပကောင်စီ၏ရှေ့ရေး

(မိုးမခ) မေ ၃၁၊ ၂၀၂၀

Ref: Will Unity Prevail in EU? Sylvie Kauffmann New York Times May 25 2020

(၁)
လွန်ခဲ့သော ၁၀ စုနှစ်များ ဂျွန်မိုနေး (Jean Monnet) က ဥရောပသည် ဥရောပကောင်စီကို အခက်အခဲ များကြားမှဖွဲ့စည်းရလိမ့်မည်။ ကျန်ရစ်ရမည်မှာအဖြေများ၏အစုအပေါင်းဖြစ်သည်ဟုကြိုတင်နိမိတ်ဖတ်ခဲ့ပါသည် ဂျွန်မိုးနေးမှာ ဥရောပကောင်စီဖွဲ့စီးရာတွင်အဖွဲ့ဝင်တစ်ယောက်ဖြစ်ခဲ့ပါသည်။

ထိုစဉ်က ယခုကဲ့သို့ ဗိုင်းရပ်ပိုး ကြောင့် ဥရောပကောင်စီကိုအခက်အခဲများနှင့် တွေ့ကြုံရင်ဆိုင်ဖြေရှင်းရ လိမ့်မည်ဟု မတွေးမထင်ခဲ့ကြပါ။ လွန်ခဲ့သော အပါတ်အတွင်းက ကွန်ပြူတာဖန်သားပြင်မှာဆိုင်ရာမြို့တော်များ မှနေ၍ဂျာမနီမှ အဓိပတိကြီး မာကယ်နှင့် ပြင်သစ်သမ္မတကြီးမက်ခရောင်းတို့က ဥရောပသမိုင်းတွင် အခက်အခဲ ဆုံး အကြပ်အတည်းနှင် ့ရင်ဆိုင်နေရသည်ဟု ပြောကြားခဲ့ပါသည်။ သူတို့သည်ပြသနာ၏ အဖြေကိုလည်းတွေ့ပြီ ဟုကြေညာခဲ့ပါသည်။

(၂)
ရောဂါပြန့်ပွားမှုကြောင့် ၃ လကျော်မျှမတည်မငြိမ်ဖြစ်ခဲ့ပြီး ဥရောပသည်မိမိတို့၏အခြေအနေကို အကြီး အကျယ်ပြောင်းလဲစေမည့် စိန်ခေါ်မှု ကြီးကို တွေ့ကြုံနေရပါသည်။ ပြင်သစ်နှင့် ဂျာမနီ တို့သည်။ ယူရိုငွေ ၅၀ဝ ဘီလီယံမျှ ဥရောပစီးပွားရေးကိုပြန်လည်အသက်ဝင်လာစေရန် ရံပုံငွေအဖြစ် ထားရှိရန် စီစဉ်နေကြပါသည်။

ထိုအခြေအနေတွင်မည်မျှရဲတင်းသည်ကို ကမ္ဘာကြီး၏အခြေအနေနှင့် စဉ်းစားကြည့်နိုင်ပါသည်။ ထို ပမာဏငွေကိုသုံးရုံသာမကသေး။ သူတို့က အစိုးရများကို ကယ်တင်ရန်အတွက် အဖွဲ့တစ်ဖွဲ့လုံးအနေဖြင့်ဆိုလျင် ယူရို ၃ ထရီလီယံလိုသည်။ ထိုငွေကို နိုင်ငံတကာဈေးကွက်မှချေးယူ ရန်ဖြစ်သည်။ ဂျာမနီမဟုတ်၊ ပြင်သစ်ပြည် မဟုတ်၊ ဂျာမနီနှင့်ပြင်သစ်ပြည်တို့စုပေါင်း ၍လည်းမဟုတ်ပါ။ ဥရောပ နိုင်ငံပေါင်း ၂၇ နိုင်ငံတို့အာလုံးစုပေါင်း၍ ပါဝင်မည်ဖြစ်သည်။ ထိုရန်ပုံငွေကိုဂရန့် ပေးငွေအဖြစ် အထိခိုက်အများဆုံးနိုင်ငံများမှ အများဆုံးထိခိုက်ခဲ့သည့် ခရီးသွားလုပ်ငန်း ကဲ့သို့ အပိုင်းကိုကယ်တင်ရန်ဖြစ်သည်။ ထိုငွေများမှာချေးငွေမဟုတ်ဘဲ ဂရန့် ငွေဖြစ်ပြီး ထိုငွေ ကို ဥရောပကောင်စီတစ်ခုလုံးမှ ပြန်၍ဆပ်ရန်ဖြစ်သည်။

ထုံးစံမဟုတ်သောအခြေအနေများအရ ထုံးစံမဟုတ်သောနည်းလမ်းများကိုရှာဖွေကြရပါသည်ဟု မာကယ် ကပြောပါသည်။ ဤလုပ်နည်းမှာ ဂျာမနီနိုင်ငံ၏ လုပ်ထုံးလုပ်နည်းမဟုတ်ဘဲ အတွေးအခေါ် အသစ်အဆန်းဖြစ် ပါသည်။ ဥရောပတွင်အချမ်းသာဆုံးနိုင်ငံဖြစ်သောကြောင့်သူ့လောက်မချမ်းသာသောသူများကိုကူညီရန်ဝတ္တရား သူ့မှာရှိခဲ့ပါသည်။ သို့သော်လည်း ထိုသို့မပေးခဲ့ဘူးပါ။

ထို့ကြောင့်လွန်ခဲ့သော ၁၀ နှစ်ကယူရိုငွေအကြပ်အတည်း ကြောင့်လွန်စွာဆိုးရွားသော မှတ်တမ်းများရှိခဲ့ပါသည်။
ထို့ကြောင့် ပြင်သစ်သမ္မတကြီးက ဆင်းရဲသောနိုင်ငံအနေဖြင့် မိမိတို့ (Infra-Structure) များကိုနိုင်ငံခြား သားတို့လက်သို့အပ်ခဲ့ရသည်။ ဂရိတို့၏ဆိပ်ကမ်းအားတရုတ်ကုမ္ပဏီများလက်သို့ အပ်ခဲ့ရပုံကိုပြန်ပြောင်း ပြော ဆိုခဲ့ပါသည်။ ထိုသို့ရောင်းချရခြင်းမှာ ဥရောပ၏ကိုယ်ပိုင်အုပ်ချုပ်ရေးကို ထိခိုက်ပြီး ကြီးစွာသောမှားယွင်းမှုဖြစ် သည်ဟုပြောခဲ့ပါသည်။ မာကယ်ကလည်း ကိုးဗစ်အလွန်စီးပွားရေးအဖြစ် တရုတ်၊ အမေရိကန်နှင့်တောင်ကိုးရီး ယားတို့ အစား ယခုအခါ ဥရောပနိုင်ငံတို့က ကိုယ်တိုင်လုပ်ရန် သင့်ပြီဟုပြော ခဲ့ပါသည်။ ၄င်းတို့ မှာပြင်သစ် သမ္မတကြီးအတွက် နေ့စဉ်မက်ခဲ့ရသောအိမ်မက်ဖြစ်ပါသည်။ ယခုအခါ ဂျာမနီ ပါဝင်လာပြီးဖြစ်ရာအားတက်ခဲ့ ရပါသည်။ ခေါင်းဆောင် နှစ်ဦးသည် ဗွီဒီယိုလင့်ဖြင့် သူတို့၏မတူညီသောအချက် အလက်များကိုနှစ်ဦးနှစ်ဘက် ညှိနှိုင်းဖြေရှင်းကြပါသည်။ မစ္စလာဂတ်(Christine Lagarde) မှာ ဥရောပ ဗဟိုဘဏ် ဥက္ကဌဖြစ်ပြီး မာကယ်က ယုံကြည်ခင်မင်ရင်းရှိပြီးသဖြင့် ယခုဆွေးနွေးပွဲမှာလည်း ပါဝင်လာခဲ့ပါသည်။

ထို့ကြောင့် ဥရောပနိုင်ငံ ၂၇ နိုင်ငံ၏ ကံကြမ္မာမှာ ထိုအကြပ်အတည်းကြားမှလွတ်မြောက်အောင် လုပ် ဆောင်နိုင်စွမ်းရှိမရှိကို စောင့်ကြည့်ရန်သာရှိပါတော့သည်။ ချမ်းသာသည့် မြောက်ပိုင်းနိုင်ငံများအဖို့ ဥရောပနိုင်ငံ အားလုံးအနေနှင့် ကောင်းလျင် သူတို့လည်းကောင်းရပါမည်၊

အခြေအနေမှာအလွန်ဆိုးရွားခဲ့ပါသည်။ အသက် ၉၄ နှစ်ရှိပြီးဖြစ်သော ဒီလာ (Jacques Delors) က ဥရောပ ငွေကြေးသုံးငွေကို ယူရို အဖြစ်တစ်ခုတည်းကိုသာအသုံးပြုရန် နိုင်ငံအချင်းချင်း (Schengen Area) အနေနှင့်ဘော် ဒါလိုင်းများ ပတ်စ်ပို့များမလိုသောဇုန်အဖြစ်သတ်မှတ်ခဲ့ပါသည်။ ၄င်းကိုပင်ထိခိုက်မည့် အရိပ်အရောင်များပေါ်နေ ပါသည်။ တာဝန်ရှိသောအဖွဲ့အစည်း မရှိဘဲနေခဲ့ရာမှဥရောပသည်ကျန်းမာရေးနှင် ့ပါတ်သတ်၍လုပ်ဆောင်ရာ တွင်အခက်အခဲများရှိခဲ့ပါသည်။ နှာခေါင်း စီးဝယ်ရေးကိစ္စ၊ ပုဂ္ဂိုလ်ရေးဆိုင်ရာ ကာကွယ်ရေးပစ္စည်း PPE ဝယ်ယူ ရေး ကိစ္စများ တွင်များစွာ စကားပြောခဲ့ရပါသည် အသင်းဝင်နိုင်ငံများက မိမိတို့ကိုယ်ပိုင်ဧရိယာများကို ဘော်ဒါ အဖြစ်သတ် မှတ်လာကြပါသည်။

ဥရောပကောင်စီတည်ရှိရာ ဘရပ်ဆဲလ်မြို့မှတာဝန်ရှိပုဂ္ဂိုလ်များက မကြာမီ အသိဝင်လာကြပြီး စီးပွားရေး အရတုန့်ပြန်မှုများဖြင့် တုန့်ပြန်ခဲ့ကြပါသည်။ ဥရောပကောင်စီဝင်များက လော့ဒေါင်း မှထွက်လာကြပြီး ၄င်းတို့၏ တစ်နိုင်ငံနှင့် တစ်နိုင်ငံပံ့ပိုးမှုများလိုကြောင်းကိုသိလာကြပါသည်။ ထို့နောက်တရုတ်တို့၏ စွမ်းဆောင် နိုင်မှုကို မြင်လာကြပါသည်။ ၁၀ ရက်အတွင်းဆေးရုံတရုံဖြစ်အောင်တည်ဆောက်ခြင်း၊ ဗိုင်းရပ်ရောဂါပြန့်ပွားမှုကို ဖုံးဖိရန် ကြိုးစားခြင်းစသည်တို့ကိုမြင်လာကြပါသည်။ ထို့ကြောင့် ဤအကြပ်အတည်းမှ ဥရောပကို အသိသစ်အမြင်သစ် များ ဖြစ်ပေါ်စေခဲ့ပါသည်။

ထိုအတော အတွင်း အမေရိကန်နိုင်ငံ၏အကူအညီကိုလည်းမျှော်လင့်ခဲ့ကြပါသည်။ ရောဂါပြန့်ပွားမှု ကြောင့် ဥရောပတိုက်နှင့်အမေရိကန်တို့၏ကွာခြားချက်များကိုသိသာလာစေပါသည်။ အမေရိကန်အလုပ်သမား များက အလုပ်မရှိကြောင်း ဖေါင်ဖြည့်နေကြချိန်ဝယ် ဂျာမနီ၊ ပြင်သစ်၊ အင်္ဂလန်၊ အီတလီ နှင့် စပိန် ၆ နိုင်ငံက အလုပ်သမားများ အလုပ်အတွက် အာမခံချက်များရရှိ အောင်ဆောင်ရွက်ခဲ့ကြပါသည်။ ဂျာမနီက (Partial Activity) ဟုခေါ်၍ပြင်သစ်က (Partial Unemployment) ဟုခေါ်ပါသည်။ အစိုးရက အလုပ်သမားတို့၏ လစာများကိုပေးစေခြင်းဖြစ်ပါသည်။ ပြင်သစ်ပြည်တွင် လခ၏ ၈၄% ကို အစိုးရကပေးပါသည်။

အစိုးရက တာဝန်ယူသောခေတ်ကိုပြန်လည်ရောက်ရှိခဲ့ပြီး ဥရောပကထိုကိစ္စကို ဂရုမစိုက်နိုင်အားပါ။ ထိုရောဂါပြန့်ပွားမှုက ယုံကြည်မှုများစွာကို လှုပ်ခါစေခဲ့ပြီးပိုကောင်းသော ကမ္ဘာကြီး ဖန်တီးရန် လမ်းများစွာဖွင့် စေခဲ့ပါသည်။ ၄င်းက ဥရောပ၏ ပုံရိပ်ကို ပိုမိုတောင့်တင်းခိုင်မာစေပြီး လယ်သမားများအတွက် အစိုးရကချပေး သော (Safety Net) ကိုပိုမို၍ထင်သာမြင်သာရှိစေခဲ့ပါသည်။ ပြင်သစ်နှင့် စပိန်အစိုးရတို့သည် ရောဂါပြန့်ပွား ခြင်းကို တုန့်ပြန်ရန် တုန့်ဆိုင်းနေခဲ့ခြင်းနှင့် ပြင်ပြင်ဆင်ဆင်မလုပ်ခဲ့ခြင်းတို့အတွက် များစွာဝေဖန်ခံခဲ့ရပါသည်။ ကျန်းမာရေးဆိုင်ရာကိစ္စရပ်များတွင်နောက်ကျခဲ့ရပါသည်။ သို့သော် စိတ်ပျက်ရမှု များမှာ ခေါင်းဆောင်များကို သာရည်ရွယ်ပြီး စနစ်ကြီးကို အပြစ်ပုံမချခဲ့ပါ။ ပြင်သစ်ပြည်တွင် ဆေးရုံမှလုပ်သားများကို ချီးကျူးခဲ့ ကြပါသည်။ ၄င်းတို့သည်ကြီးစွာသော ဖိအားအောက်တွင် အလုပ်လုပ်ခဲ့ကြပါသည်။

ဒုတိယကမ္ဘာစစ်ကြီးအပြီးတွင် စစ်ကြောင့် ပျက်စီးသွားသောအပျက်အစီးများကိုပြုပြင်ရန်နှင့် နိုင်ငံများ ကိုပြန်လည်ထူထောင်ရေးအတွက် ၁၉၄၈ ခုနှစ်တွင် သမ္မတ ထရူးမင်းက မာရှယ်စီမံကိန်းခေါ် မာရှယ် (Plan) ဖြင့် ဒေါ်လာ ၁၅ ဘီလီယံ ကျော်ဖိုး ထောက်ပံ့ခဲ့ဘူးသည်။ ယခုအခါအမေရိကန်များ ဘေးဘီသို့ လှည့်ကြည့်ချိန် မရှိပါ။ ဥရောပအရေးကို ဥရောပတိုက်သားတို့က တာဝန်ယူဆောင်ရွက်သည်မှာ သဘာဝကျပါသည်။

(၃)

စီးပွားရေးပညာရှင်များက အစိုးရများကို သူတို့၏ကျန်းမာရေးစနစ်အတွင်းသို့ ပိုက်ဆံပိုမိုရင်းနှီးမြှပ်နှံကြ ရန်ကိုသာအကြံပေးကြပါသည်။ ဆန္ဒပြမှုများ၊ မကျေနပ်မှုများကို ၂ နှစ်တိုင်တိုင်ခံစားခဲ့ရသော ပြင်သစ်နိုင်ငံတွင် စည်းလုံးညီညွှတ်မှုကနောက်ဆုံးတွင်အောင်မြင်မှုရခဲ့ပါသည်။ တိုင်းသူပြည်သားတို့၏လွတ်လပ်ရေးကိုထိန်းသိမ်း သည်နှင့်အတူ ရောဂါပြန့်ပွားမှုကြောင့် စီးပွားရေးအရထိခိုက်မှုများကို ကြုံတွေ့ကြရပါသည်။

ယခုအခါ ရောဂါပြန့်ပွားမှုသည် ပြီးဆုံးရန်အချိန်ကိုရောက်ရန် ခရီးဝေးကြီးလျှောက်ရဦးမည်ဆိုသည်ကို သဘောပေါက်မိနေကြပါသည်။ လူများစွာကို အလုပ်လက်မဲ့ ဖြစ်ကြရပါလိမ့်မည်။ အမှန်တရားသည်ပေါ်လာပါ လိမ့်မည်။ ယခုအချိန်ထိတော့ ဥရောပကောင်စီကြီးသည် စည်းစည်းရုံးရုံးရှိနေဆဲပင်ဖြစ်ပါသည်။

ကိုသန်းလွင်
Ref: Will Unity Prevail in EU? Sylvie Kauffmann New York Times May 25 2020