Breaking News

ကိုမြေ - နွေဦး​တော်လှန်​ရေး၊ CDMလှုပ်ရှားမှု နဲ့ အိုးပြစ်အိမ်ပြစ်ဒုက္ခ



ကိုမြေ - နွေဦး​တော်လှန်​ရေး၊ CDMလှုပ်ရှားမှု နဲ့ အိုးပြစ်အိမ်ပြစ်ဒုက္ခ

(မိုးမခ) မတ် ၁၁၊ ၂၀၂၁

"တော်လှန်​ရေးဆိုတာ ဇာပန်းထိုးတာမဟုတ်၊ဧည့်သည်ထမင်းဖိတ်​ကျွေးတာ မဟုတ်" ဆိုတဲ့ စကားကို ကြားစက သ​​ဘောကျခဲ့တာကလွဲလို့ ခု​လောက် အ​လေးအနက်မစဥ်းစားခဲ့၊ ခု​တော့ နဖူး​တွေ့ဒူး​တွေ့ ​တွေ့ခဲ့ရပါတယ်၊ စကားလုံး အရ​တော့ လှပတဲ့ တင်စားမှုနဲ့ "​နွေဦး​တော်လှန်​ရေး"ဆိုတာပါပဲ၊

အ​ထွေ​ထွေသပိတ်ကြီး အရှိန်အဟုန်မြင့်​​တော့ ​အောင်ပွဲဟာ လက်တကမ်းဆိုပြီး ​နေ့လား ညလား ​မျှော်လင့်ခဲ့ကြ ​ပျော်ခဲ့ကြ၊ ထက်သန်စိတ်နဲ့ မိုးကို ဒူးနဲ့တိုက် မတတ် ​ကြွေး​ကြော်ခဲ့ကြပါတယ်၊ အုန်းအုန်းကျက်ကျက်နဲ့ သပိတ်​တွေ အောင်ပွဲ​
တွေ ​နေရာအနှံ့ဆင်ခဲ့ကြပါတယ်၊

ဒီလိုနဲ့ သပိတ်တိုက််ပွဲက တလ​ကျော်ကြာလာ၊ ရန်သူ့ရန်လိုမှုက အပြင်းအထန် ​ခြေမှုန်းတဲ့အထိ၊ တ​နေ့ထက်တ​နေ့ တိုးတိုးပြီး ကျယ်ပြန့် ပြင်းထန်လာ၊ နုနယ်ပျိုမြစ် အသက်​တွေပေးဆပ်၊ လူထု​ ကြေကွဲ ငို​ကြွေး နာကျည်းရင်း ရန်သူကို မုန်းတီး ရွံရှာစွာ မျိုးဆက်သစ်​တွေရဲ့တိုက်ပွဲကို ဝန်းရံ အား​ပေး ကာကွယ်ခဲ့ကြရင်း ပန်းတိုင်ကိုလှမ်း​မျှော်​ကြည့်တော့၊
နီးသလိုလို ​ဝေးသလိုလို ရင်​မောခဲ့ကြရပါတယ်၊

မနက်​စော​စော အင်တာနက်အဖွင့် ၊CDM လုပ်တဲ့ မလွှကုန်းမီးရထားဝန်ထမ်းအိမ်ရာကို လုံထိမ်းတပ်​တွေ ပိတ်ဆို့ဖမ်းဆီးဖို့ အင်အားအလုံးအရင်းနဲ့ ဝိုင်းထားတဲ့သတင်းကြားရပါတယ်၊ ဝန်ထမ်းမိသားစု​တွေ အ​ပြေးအလွှား အိမ်ရာကို စွန့်ခွာ ထွက်​​ပြေးကြတာ​တွေလဲ ရုပ်သံသတင်းမှာ ​တွေ့ရပါတယ်၊ ​နေ့လည်မှာ သက်ကြီးရွယ်အို မမာမကျန်းသူ​တွေ သယ်ထုတ်​နေပုံ​တွေကို စိတ်မ​ကောင်းစရာ ​တွေ့ရပြန်ပါတယ်၊

သူငယ်ချင်းနှစ်​ယောက် တတ်နိုင်သ​လောက်ကူညီဖို့သွားတော့ မိသားစုတချို့ ထွက်လာ​နေတာတွေ့ရပါတယ်၊ ​​ကျ​နော်တို့လို ကူညီမယ့် သူ​တွေလဲ အ​တော်များများ ​ရောက်လာကြပါတယ်၊ နေစရာမရှိသူ​တွေကိုကူညီမယ့် ပရဟိတ ညီမ​​လေးတယောက်ကိုလဲ ​တွေ့ရပါတယ်၊ ကျ​နော်တို့က​တော့ သွားလိုရာ လိုက်ပို့ဖို့ ​ခေါ်ပါတယ်၊ လိုက်လာပြီး ကားနား​ရောက်မှ မလိုက်​တော့ဘူး တက္ကစီနဲ့ပဲ သွား​တော့မယ် ဆိုလို့ ကားခ လိုက်​ပေးလိုက်ရပါတယ်၊ မသိတဲ့သူ​​တွေရဲ့ကားထက် တက္ကစီက ပိုလုံခြုံတယ်ထင်လို့လား၊ ကားကိုကြည့်ပြီး မဝံ့မရဲ ဖြစ်တာလား ​မ​ပြောတတ်ပါဘူး၊ သူတို့ဟာ ခုချိန်မှာ အကာအကွယ်မဲ့ ​အောက်​ခြေပြည်သူ​လူထုကြီးပါ၊
ည​နေ​စောင်းလာပါပြီ၊ လူအများကြီး မကျန်​တော့ဘူးလို့ သိရပါတယ်၊သူတို့ဟာ CDM ဆက်လုပ်ဖို့ ​နေရပ်ကို စွန့်ခဲ့ကြသူ​တွေပါ၊ လာလှူဒါန်းထားတဲ့ ဆန်အိတ်တွေလဲ သိမ်းသွားတယ်လို့ သိရပါတယ်၊ သူတို့ တာဝန်ကို သူတို့ ရဲရဲယူခဲ့ကြပါတယ်၊ သူတို့အခက်အခဲကိုတော့ ဘယ်သူ​တွေက ဘယ်လို တာဝန်ခံ ကာကွယ်ကြမှာလဲ၊

စိတ်မ​ကောင်းခြင်းကြီးစွာနဲ့ ကျ​နော်တို့ပြန်လာခဲ့ပါတယ်၊အ​တော်လှမ်းလှမ်းမှာ အချုပ်ကားနဲ့ စစ်ကား​တွေ တန်းစီရပ်ထားတာ​တွေ့ရပါတယ်၊ ဝင်လမ်းတခုထဲ လုံထိမ်းတစုကို ​တွေ့ရပါတယ်၊ ဒီတိုက်ပွဲကို မဟာဗျူဟာ အရဘယ်လို ဆက်လက်သယ်ဆောင်ကြမလဲ၊ တာဝန်ရှိသူ​တွေ စဥ်းစားထားခဲ့ကြပါရဲ့လား၊

"တော်လှန်​ရေးဆိုတာ ဇာပန်းထိုးတာ မဟုတ်၊ ဧည့်သည်ထမင်းဖိတ်​ကျွေးတာ မဟုတ်"ဆိုတာ ပို​လေးနက်လာပါတယ်၊မျိုးဆက်သစ်တွေ အပါအဝင် မျိုးဆက်အသီးသီးပါဝင်တဲ့ လူထုကြီးက​တော့မျက်ရည်ယို ဗုံး​တွေ၊ ပစ်ခတ်​ခြေမှုန်းမှု​​တွေ၊ ​သေနတ်ဒါဏ်ရာ​တွေ ပြင်းထန်လှတဲ့ရိုက်နှက်သတ်ဖြတ် မှု​တွေကြား သူတို့ ပုခုံး​ပေါ်ကျလာတဲ့ သမိုင်း​ပေးတာဝန်ကို ခုထိ ကြံ့ကြံ့ခံ ထမ်းထားဆဲပါ၊ ​

အ​ရေး​တော်ပုံ.....​အောင်ရမည်
ကို​မြေ

#MoeMaKaMedia #WhatsHappeningInMyanmar