ကိုအောင်မှိုင်း - ကျွန်တော်ဖြတ်သန်းခဲ့သော ပြောက်ကျားစစ်ခရီး - ၄

May 21, 2021, file photo, Kantarawaddy Time, Dimawzo Town, police station under attack

ကိုအောင်မှိုင်း - ကျွန်တော်ဖြတ်သန်းခဲ့သော ပြောက်ကျားစစ်ခရီး - ၄
(မိုးမခ) မေ ၂၄၊ ၂၀၂၁၃။ပြောက်ကျားစစ်၊ လှုပ်ရှားစစ်၊ ခြေမှုန်းစစ်၊ နေရာယူစစ်နှင့် အခြေခံဒေသတည်ဆောက်ရေးအတွက် ပြင်ဆင်ခြင်းနှင့် စစ်၏တရားကို လက်တွေ့ လေ့လာသင်ယူခြင်း
ပြောက်ကျားတပ်ဖွဲ့တွေ ဖွဲ့စည်းပြီးဆိုတာနဲ့ လှုပ်ရှားစစ်ကို ကျနော်တို့ စတင်ဆောင်ရွက်ကြဘို့လိုမှာ ဖြစ်ပါ တယ်။ ဆိုလိုချင်တာက လှုပ်ရှားစစ်ရဲ့ရည်ရွယ်ချက်ကိုက ခြေမှုန်းစစ်ဖြစ်ပါတယ်။ ကိုယ်နဲ့ရင်ဆိုင်နေရတဲ့ ရန်သူကို အနားမပေးဘဲ နည်းသဏ္ဍာန်အမျိူးမျိူး နေရာဒေသအမျိူးမျိူးမှာ နှောက်ယှက်မှုတွေလုပ်ရင်း အ ခြေအ နေကောင်းပေါ်လာတာနဲ့ ခြေမှုန်းစစ်ကို ဆင်နွဲပြီး ရန်သူကိုခြေမှုန်းခြင်း ရန်သူလက်နက်ကို အရယူ ခြင်းစတဲ့ စစ်ရေးဆိုင်ရာကိစ္စတွေ ဆောင်ရွက်ရမှာဖြစ်သလို ရန်သူကိုအနိုင်တိုက်ခြင်းဖြင့် လူထုယုံကြည် မှုကို အခိုင်အမာတည်ဆောင်နိုင်မှာဖြစ်ပါတယ်။
အခြေခံဖြစ်တဲ့ ပြောက်ကျားတပ်ဖွဲ့တွေအနေနဲ့ကတော့ ပြောက်ကျားစစ်ဆိုင်ရာလက်စွဲတွေကို “လေ့လာရင်း တိုက်ပွဲဆင် တိုက်ပွဲဆင်ရင်း လေ့လာ” ကြရမှာဖြစ်ပြီး ရန်သူလက်နက်ကိုယ့်လက်နက်ဆိုတဲ့ ပျောက်ကျား စစ်ဆိုင်ရာတောင်းဆိုမှုများကိုလဲ သင်ကြားရင်းဖြည့်ဆည်းကြရမှာဖြစ်ပါတယ်။ ဒါကြောင့် ပျောက်ကျားစစ်ရဲ့ အတွင်းသဘောတချိူ့ကို မိတ်ဆက်ပေးချင်ပါတယ်။
ပြောက်ကျားတပ်ဖွဲ့တဖွဲ့ဟာ
၁။ ပြောက်ကျားစစ်ဟာ ထိုးစစ်သဘောဆောင်ပါတယ်။ မိမိအင်အားကို ထိခိုက်ဆုံးရှုံးမှုမရှိစေရန် အမြန် တိုက် အမြန်ဆုတ်နည်းပရိယာယ်ကို အများအားဖြင့်ကျင့်သုံးရပါမယ်။ ပြောင်းလွယ် ပြင်လွယ် သေနင်္ဂ ဗျူဟာကို ကျင့် သုံးရမည်ဆိုသည့် တောင်းဆိုမှုကို လေးနက်ရပါမယ်။
၂။ ထိပ်တိုက်ရင်ဆိုင်မှု တိုက်ခိုက်မှုမျိူးကို ရှောင်ကျဉ်ရပါမယ်။ တနေရာထဲမှာ အသေခုခံမှုမျိူးကို ရှောင် ကျဉ်ရပါမယ်။ဆုတ်ခွာမှုတိုင်းဟာ ထိုးစစ်အတွက်ပြင်ဆင်မှု ဖြစ်တယ်ဆိုတဲ့ သဘောထားအမြင်ကို ဆုတ် ကိုင်ရပါ မယ်။
၃။ အားနည်းတဲ့ရန်သူကို ချေမှုန်းဘို့ကအဓိကဖြစ်ပါတယ်။ ရဲတပ်ဖွဲ့လို စခန်းတွေဟာ ပစ်မှတ်ကောင်းတွေ ဖြစ်သလို ရှေ့တန်းထွက်သော နောက်တန်းစစ်တပ်စခန်းများမှာလဲ ပစ်မှတ်ကောင်းများ ဖြစ်လေ့ရှိပါတယ်။
၄။ ချေမှုန်းမှုတိုင်းကို ပြင်ဆင်မှုရှိရှိ စီစဉ်ဆောင်ရွက်ရပါမယ်။
(သတင်းလက်ဦးမှုရှိရမယ်၊ ဆုတ်လမ်း တက်လမ်းကောင်းရမယ်။ လ ျှိူ့ဝှက်မှုရှိရမယ်။ ပထဝီကိုပိုင်နိုင်ရ မယ်။ ရန်သူဆက်စပ်အင်အားကို တွက်ချက်နိုင်ရမယ်။ ရန်သူစစ်ကူ လမ်းကြောင်းကို ဖြတ်တောက်ထား နိုင်ရမယ်။ ရန်သူလက်နက်ကြီး လေယျာဉ်လမ်းကြောင်းတွေကိုပါ တွက်ချက်နိုင်ရပါမယ်။ လူထုပူးပေါင်း ပါဝင်မှုကို အခိုင်အမာ ရယူနိုင်ရပါမယ်။ ရန်သူစိတ်ဓါတ်ရေးရာကို လက်ဦးမှုရှိရှိ ဝါဒဖြန့် တိုက်ခိုက်နိုင်ရပါမယ်။ တိုက်ပွဲတိုင်းရ သမ ျှ လက်နက်ကို အရယူရပါမယ်။ ပုန်းခိုဘို့နေရာ ရိက္ခာ ဆေးဝါး စတာတွေကို (လ ျှိူ့ဝှက်) ကြိုတင်စီစဉ် ထားနိုင်ရပါမယ် (အနည်းဆုံးတပါတ်စာ)။ တိုက်ပွဲတပွဲနဲ့တပွဲကြား အစီအစဉ်ရှိရှိ ကြို တင်တွက်ချက် ထားနိုင် ရပါမယ်။
၅။ တပ်ဖွဲ့ဝင်များ လ ျှင်မြန်စွာ လှုပ်ရှားနိုင်မှုရှိရပါမယ်။ ခြုံခိုတိုက်ခိုက်ခြင်းများ ထောင်ခြောက်ဆင်တိုက်ခိုက် ခြင်း အလစ်အငိုက်တိုက်ခိုက်ခြင်းများကို စနစ်တကျ လ ျှင်မြန်စွာပြုလုပ်နိုင်စွမ်းရှိရပါမယ်။ ကြိုတင်လေ့ ကျင့် ဇာတ်တိုက်ထားခြင်းများဖြင့် လေ့ကျင့်ထားကြရပါမည်။
၅။ တိုက်ပွဲစဉ်တိုင်း အကျိူးအကြောင်းခိုင်လုံရပါမယ်။ အကန့်အသတ်ရှိရပါမယ်။ အကျိူးအမြတ်ရှိရပါမယ်။
၆။ ပျောက်ကျားစစ် လှုပ်ရှားစစ် ခြေမှုန်းရေးစစ်တို့ကို ဆက်စပ်ကျင့်သုံးရပါမယ်။
ရ။ အခြေခံဒေသတည်ဆောက်ရေးကို လူထုနဲ့အတူ တည်ဆောက်ရပါမယ်။ အုပ်ချူပ်ရေးချခြင်း၊ အုပ်ချူပ်ရေး တဝက်တပျက်ချခြင်း၊ ရန်သူအုပ်ချူပ်ရေးဖြစ်သော်လည်း မိမိလူဖြစ်စေခြင်းတို့ ပါဝင်ပါတယ်။
၈။ ရန်သူ့လက်နက် ကိုယ့်လက်နက် ဖြစ်စေရပါမယ်။ ကျည်ဆံတတောင့် ရန်သူတယောက် ဖြစ်စေရပါမယ်။ မြို့ပြပြောက်ကျားတပ်ဖွဲ့တို့တွင် လိုအပ်သော ငွေလက်နက် ကျည်ဆံ ခဲယမ်း ဖေါက်ခွဲပစ္စည်းစသည့် စစ် အ သုံး အဆောင်ပစ္စည်းများမှာ များသောအားဖြင့် မိမိဘာသာရှာဖွေစုဆောင်းရလေ့ရှိပါသည်။ စစ်အုပ်စုပိုင် မည် သည့်ပစ္စည်း လက်နက်ကိုမဆို ငွေပေးဝယ်လို့ရလ ျှင် ငွေပေးဝယ်ရပါမည်။ လုလို့ရလ ျှင်လုရပါ မည်။ လစ်လ ျှင်ခိုးယူရပါမည်။ တိုက်ခိုက်မှရမည်ဆိုလ ျှင်လဲ တိုက်ခိုက်ရယူရမှာဖြစ်ပါတယ်။
၉။ ညီနောင်တပ်ဖွဲ့များနဲ့ ဆက်စပ်မှုကောင်းအောင် လုပ်ထားရပါမယ်။
၁၀။ လူထုအတွင်း မိမိရဲဘော်များကို အစီအစဉ်ရှိရှိ မြုတ်နှံ တာဝန်ပေးထားရပါမယ်။
၁၁။ လူထုကို မှီခိုရပါမယ်။ လူထုထုတ်လုပ်ရေးလုပ်ငန်းများကို ကူညီဆောင်ရွက်ရပါမယ်။
၁၂။ လူထုဆန့်ကျင်ရေးလုပ်သူတွေကို ပြင်းထန်စွာအရေးယူရပါမယ်။
၁၃။ သုံ့ပန်းပေါ်လစီကို အခိုင်အမာ ကျင့်သုံးရပါမယ်။
ကျနော်တို့ ပျောက်ကျားရဲဘော်တွေအတွက် တောင်းဆိုမှုကတော့ အဆင်းရဲအပင်ပန်းခံနိုင်ဘို့ လူထုနဲ့ အတူ နေထိုင် စားသောက် လုပ်ကိုင်နိုင်မှုဖြစ်ပါတယ်။ မိမိဒေသဖြစ်တာကြောင့် နယ်မြေပထဝီ လူထု ထောက်ခံမှု တနိုင်ငံလုံးနိုင်ငံရေးအရေးသာမှုကအစ အားသာချက်တွေရှိနေသလို မရှိရာမှရှိရာကို ချီတက် ရတာဖြစ်လို့ အားနည်းချက်တွေလဲဖြစ်ပေါ်လေ့ရှိတာ သဘာဝပါဘဲ။တော်လှန်ရေးတိုင်းကလဲ ဒီသဘောအ တိုင်းဖြတ်သန်း အောင်ပွဲရယူခဲ့ကြရတာချည်းပါဘဲ။ အဓိက ကတော့ “သံဓိဌာန်ချ သက်စွန့်ရန်မကြောက် ” ဆိုတဲ့ ဆောင်ပုဒ် ဟာ ကျနော်တို့ တော်လှန်ရေးသမားတွေအတွက် အောင်ပွဲလမ်းညွန်ဘဲဖြစ်ပါတယ်။
ကျနော်တို့ရန်သူဟာ ပိုက်ဆံရလို့ စစ်တိုက်ကြတဲ့ ကြေးစားတွေဖြစ်ပါတယ်။ ကျနော်တို့တော်လှန်ရေးသမား တွေကတော့ မတရားမှုတွေကို ခုခံတော်လှန်နေကြတာဖြစ်လို့ စိတ်ဓါတ်အရ မိုးနဲ့မြေကြီးလို ကွာခြားပါတယ်။ အရေးကြီးတာက တိုက်ပွဲတိုင်း ပိုင်ပိုင်နိုင်နိုင် တိုက်ခိုက်နိုင်ဘို့ ကြိုတင်ပြင်ဆင်စီစဉ်မှု ကောင်းအောင် လုပ်နိုင်ဘို့နဲ့ ခြေမှုန်းရေးတိုက်ပွဲတွေအတွက် ကြိုတင်ပြင်ဆင်ဇာတ်တိုက်ထားဘို့လိုပါတယ်။ အရေးကြီးဆုံး အ ချက်ကတော့ သေနတ်တလက်ရရင် ၂လက်ရဘို့ မခက်တော့ပါဘူး။သေနတ် ၅လက်ရရင် တပ်စိတ် ဖြစ်ပါပြီ။ တပ်စိတ်ဖြစ်ရင် တပ်စု တပ်ခွဲဖြစ်ဘို့ မခဲယဉ်း တော့ပါဘူး။ အခြေခံက သေနတ်တလက်ရဘို့နဲ့ ရထား တဲ့သေ နတ်ကို လုံခြုံစွာထိမ်းသိမ်းပြီး ၂လက်ဖြစ်အောင်လုပ်နိုင်ဘို့က လက်တွေ့အရခက်သလို အရေးကြီး ပါတယ်။ တပ်စိတ် တပ်စုဖြစ်ပြီဆိုလို့ကတော့ ကိုယ့်ဒေသနဲ့ကိုယ် ပျောက်ကျားတိုက်ပွဲတွေကို ကောင်းစွာ စီစဉ်နိုင်ပါပြီ။
သတိထားရမဲ့အချက်က ပြောက်ကျားတပ်ဖွဲ့တွေအနေနဲ့ ရန်သူကို ထိပ်တိုး တိုက်ခိုက်မှုမျိူးမဖြစ်အောင် သ တင်းချူပ်ကိုင်နိုင်စွမ်းရှိဘို့လိုပါတယ်။ ဒီလိုဘဲ ပြောက်ကျားစခန်းတွေကို ရန်သူအလစ်အငိုက် ဝင်မတိုက် နိုင်အောင် သတင်းလုံခြုံဘို့လိုပါတယ်။ဒီနေရာမှာ ကျနော်တို့အထူးသတိထားဘို့က ပြောက်ကျားခေါင်း ဆောင်တွေအနေနဲ့ သတင်းလုံခြုံရေးအစီအမံတွေကို ရဲဘော်တိုင်းလိုက်နာအောင် ဂရုစိုက်ရမှာဖြစ်သလို ရဲဘော်တိုင်းကလဲ အသေအချာလိုက်နာကြဘို့လိုမှာဖြစ်ပါတယ်။ “မြို့ပြပြောက်ကျားတပ်ဖွဲ့ကြီးဆိုသည်မှာ ပြောက်ကျားတပ်ဖွဲ့ငယ်များ စုပေါင်းထားသည့်ကွန်ယက်ဟု ဆိုရိုးစကားရှိပါသည်။”ဆိုလိုသည်မှာ မည် သည့်အမည်နာမနှင့်မဆို ဖွဲ့စည်းထားသောပြောက်ကျားတပ်ဖွဲ့များသည် အချင်းချင်းသော်၎င်း ညီ နောင်တပ်ဖွဲ့များနှင့် သော်၎င်း ချိတ်ဆက်ဆောင်ရွက်ရခြင်းဖြစ်သည်ကို လေးနက်စွာသဘောပေါက် ရန်လိုပါတယ်။ချိတ်ဆက်မှု ကောင်းအောင်လဲ အလေးအနက်ဆောင်ရွက်ကြဘို့ အထူးလိုအပ်ပါတယ်။
သတင်းစီးဆင်းမှုနှင့် သတင်းပေါက်ကြားမှုလုပ်ငန်းများသည်လည်း အလွန်အရေးကြီးပါတယ်။ ရန်သူ့သူလ ျှိူ များ သတင်းပေးများ သစ္စာဖေါက်များသည် ပြည်သူလူထုရန်သူများဖြစ်ကြပါတယ်။ ရန်သူ့သူလ ျှိုူ ရန်သူ့ ထောက်လှမ်းရေးများကို ဖေါ်ထုတ်နိုင်ရန် သတင်းထောက်လှမ်းရေးလုပ်ငန်းများကို စနစ်တကျလုပ်ရန် လိုပါသည်။ စေ့စပ်သေချာရန်အထူးလိုအပ်ပါသည်။ ထောက်လှမ်းရေး သူလ ျှိူဟုသေချာလ ျှင် အပြောက် ရှင်းရမည်ဖြစ်ပါသည်။ ထောက်လှမ်းရေး သူလ ျှိူတို့အတွက် သုံ့ပမ်းပေါ်လစီနှင့်လုံး၀ အကျူံးဝင်မည် မ ဟုတ်ပါ။ သတင်းစီးဆင်းမှုလုပ်ငန်းနှင့်ပါတ်သက်၍ ရဲဘော်တိုင်း တပ်မှုးတိုင်း လက်ရှိတည်ရှိနေသော ဗမာပြည်၏ စစ်ရေး နိုင်ငံရေးများကို ဆွေးနွေးပွဲများပြုလုပ်ကာ ရှင်းလင်းသင့်သလို တပ်ဖွဲ့အတွင်းတွင် ပကတိတည်ရှိ နေသော စစ်ရေး နိုင်ငံရေး ဘဏ္ဍာရေး တိုက်ပွဲနိဂုံးချူပ်များကိုလည်း အချိန်ရလ ျှင်ရလို ရှင်းလင်းပြောပြရန် တပ်မှုးတိုင်းတွင်တာဝန်ရှိပါသည်။ တပ်ဖွဲ့တွင်းဒီမိုကရေစီဖွံ့ဖြိုးရန်နှင့် ရဲဘော် အချင်း ချင်း အပြန်အလှန်ချစ် ခင်လေးစားမှုရရှိရန် စည်းရုံးရေးစည်းကမ်းများကောင်းအောင် အဖက်ဖက်မှတည် ဆောက်ခြင်းဖြင့်ဆောင်ရွက်ရပါမည်။
ပြောက်ကျားတပ်ဖွဲ့များအတွက် လိုအပ်ချက်များရှိပါသည်။ငွေကြေး လက်နက် ခဲယမ်း(ကျည်ဆံ ဖေါက်ခွဲ ရေး) ရိက္ခာ ဆေးဝါးကအစ လိုအပ်ချက်အချိူ့ရှိတတ်ပါသည်။လူထုကို မီခိုရလေ့ရှိပါသည်။ ကိုယ့်ဒူးကိုယ် ချွန် ဆောင်ရွက်ကြရသည်များလည်းရှိပါသည်။အရှေ့မြောက်ကာလက ဗမာပြည်ကွန်မြူနစ်ပါတီတပ်များ သည် ထုတ်လုပ်ရေး စိုက်ပျိူးရေးကအစ လက်နက်စက်ရုံ ကျည်ဆံစက်ရုံအချိူ့ကိုယ်ဒူးကိုယ်ချွန် တည် ဆောက်ခဲ့ကြောင်းသိရရာ အတူယူဖွယ်ဖြစ်ပါသည်။လပဒတ ဒေသသို့ရောက်ရှိစဉ် ခွန်ဆာတပ်များထုတ် လုပ်သည့် နင်းမိုင်းအချိူ့ကို တွေ့ဖူးပါသည်။ထိရောက်သင့်သလောက်ထိရောက်သည်ကိုလည်းတွေ့ရပါ သည်။ ကျနော်ဆိုလိုချင်သည်မှာ ကနေ့လူငယ်ထုသည်အလွန်ထက်မြက်ကြပါသည်။ လေ့လာရေးလဲ အ လွန်ကောင်းကြပါသည်။ ပါလက်စတိုင်းဒေသ၏ ကနေ့တည်ထွင်မှုတခုဖြစ်သော Qassam Rocket သည် အစ္စရေးနိုင်ငံ၏နောက်ဆုံးပေါ် လေကြောင်းကာကွယ်ရေးစည်းအား ဖြတ်ဖေါက်သွားနိုင်ခြင်းပင်ဖြစ်ပါ သည်။
ကျနော်တို့ လူငယ်များအတုယူကြရပါမည်။ Qassamတစ်လက်ကို ဒေါ်လာ 800 သို့မဟုတ် ပေါင်စတာလင် 500 ကုန်ကျပါတယ်။ (မြန်မာငွေ ပေါက်ဈေး အရ ယနေ့ ၁၀သိန်းဝန်းကျင်လောက်ရှိပါတယ်)။ လုပ်နည်း ကလဲ Pure sugar သကြားအစစ် potassium nitrate ယမ်းစိမ်း၂မျိုးအခြေခံတာဖြစ်လို့ တော်လှန်ရေးအဖွဲ့ တွေအတွက် အတော်အသုံးတဲ့မယ်ထင်ပါတယ်။ ကျနော်အဓိကပြောချင်တာက နင်းမိုင်း တိုက်မိုင်း ရှေ့ ထွက်မိုင်း ခုန်ပြန်ရှပ်ကွဲမိုင်းကအစ ပဒေသာမိုင်း စသည်တို့သည် ရန်သူကိုထိထိရောက်ရောက် ဟန့် တားနိုင်သလို ထိထိရောက်ရောက်ခြေမှုန်းနိုင်တာကိုလဲ တွေ့ရပါတယ်။ ဒီနေ့ကမ္ဘာကြိးမှာ နည်းပညာ တွေပေါ်က တော်လှန်ရေးအတွက် အားသာချက်တွေများစွာကို လေ့လာရယူနိုင်တဲ့အတွက် သမာရိုး ကျစနစ်တွေက လမ်းခွဲမှုတွေနဲ့တည်ထွင်ကြံဆမှုတွေနဲ့ ပေါင်းစပ်ဘို့လို မှာ အသေအချာပင်ဖြစ်ကြောင်း တင်ပြလိုပါတယ်။
(စစ်အုပ်စုရဲ့ တန်ပြန်ပြောက်ကျားစစ် Counter- Gurellia also called Counter insurgency COIN ခေါ်တဲ့ သောင်းကျန်းသူဆန့်ကျင်ရေးလုပ်ငန်းများကို ဆက်လက်ရေးပါဥိးမည်။)
အရေးတော်ပုံ အောင်ရမည်
ကိုအောင်မှိုင်း
မေလ ၂၁ ရက် ၂၀၂၁ခုနှစ်
t.me@moemaka
#MoeMaKaMedia
#WhatsHappeningInMyanmar